Geopelia cuneata

Geopelia cuneata in nido.

---

Animalia — Chordata

Classis : Aves 
Ordo : Columbiformes 
Familia : Columbidae 
Subfamilia : Claravinae 
Tribus : Phabini 
Genus : Geopelia 
Species : G. cuneata 

Geopelia cuneata 
Latham, 1801  

Conservationis status

LC

Vigens (IUCN 3.1)

Territorium

Habitationes Geopeliae cuneatae.

Geopelia cuneata est parva avis familiae Columbidarum ordinis columbiformis, magnā parte ex Australia oriunda.

Proprietates

Caput G. cuneatae.

Corpore exiguo est columbula, circiter 20 cm longa; sunt ambobus sexibus parvulae maculae et albae in alis, non adamantibus dissimiles, atque anuli carnosi rufoluteos circumscribentes oculos. Attamen sunt maribus rubicundiores spissioresque anuli femineis illis — sola inter sexus differitas, cantu neglecto. Colores principales inter cinereum atque glaucum variant, quamquam variationes sunt versicolores; venter floridus, cauda fuscior est.

Habitatio

G. cuneata ample Australiam inhabitat mediam septentrionalemque; rarior est in locis meridionalibus.

Cum avis solida et quieta sit, in captivitate undique retinetur.

Habitus

Paria duo G. cuneatarum.

G. cuneatae in exiguos congregant greges. Avis est plerumque granivora, cui interdum non displicet insecta pasci.

Mas suaviter columbatur, femina autem submisse pipiat. Mares, cantus dantes, pinnas caudales dilatant ut oculos feminarum in se convertant gratiamque concilient earum.

Nidum faciunt herbis et ramusculis; duo tantum deponunt ova, quae circa 15 dies incubantur. Pulli fere desinent auxilio parentum egere 15 dies nati.

Fontes

• De G. cuneata apud www.birdlife.org.
• De G. cuneatis alendis apud www.diamonddove.info.

Nexus externi

Vicimedia Communia plura habent quae ad Geopeliam cuneatam spectant.

• http://www.flatratewebsites.com/sites/dovepage/species/domestic/Diamond/diamonddove.html
• IUCN Index Ruber ─ Geopelia cuneata