Gatschina (villa)

Haec pagina de villis imperatorum narrat. Si urbem quaeris, vide Gatschina.

Gatschina^[1] (Russice Гатчина, Gatčina) est nomen solitum palatiorum et hortorum imperatorum Russiae et familiarium eorum in urbe eiusdem nominis sitorum.

Historia

Anno 1712 Petrus Magnus Nataliae sorori Gatschinam dedit. Ea mortua multi Gatschinam possidebat, donec anno 1765 Catharina II haec loca Gregorio Orlov donavit; tum Antonius Rinaldi palatium Gatschinense maius aedificare coepit. Hortus magnus genere libero Anglico, columna Aquilae et obeliscus Česmensis tunc constructi sunt. Gregorio Orlov mortuo Catharina anno 1783 Gatschinam Paulo filio suo Gatschinam dedit. Vincentius Brenna architectus a Paulo amatus hortum Silviam fecit, Papilionem Veneris, Casam Betulinam multaque alia in horto Gatschinensi aedificavit, anno 1795 palatium magnum reconstruere coepit. Anno 1798 Nicolaus L'vov palatium "Prioratum" construxit e terra pressa. Adrianus Zacharov pontem Gibberosum et Aviarium Gatschinae aedificavit.

Palatia et horti

Ad palatium maius horticula Pauli propria adiacent et hortus magnus, qui saepe "hortus palatii" nominatur, cum lacu maximo Albo et lacu Argenteo multisque papilionibus, pontibus, columnis, portis etc. Hortus Silvia regularis et hortus Ferarum (Zverinets) ad septentrionem a horto principali siti sunt et hortus Prioratùs cum lacu Nigro et palatio Prioratu ad meridiem.

Notae

↑ Vide de nomine urbis, Gatschina.

Nexus externi

Situs geographici et historici: Locus: 59°33′40″N 30°6′36″E

Situs proprius

[1] Vide de nomine urbis, Gatschina.

[1]