Gallus vinolentus
Gallus vinolentus,[1] Neograece κόκορας κρασάτος, Francogallice coq au vin, est ferculum modo haud dissimili in Graecia et Francia inlatum. In Graecia galli (sive pulli) membra dissecantur et breviter oleo friguntur; frusta allii caepaeque adduntur; omnia deinde vino rubro merguntur atque lente cum aromatibus coquuntur. In pastam vermiculatam imponuntur et inferuntur.
Gastronomia Paria: Ferculum Graecum κόκορας κρασάτος, in pastam vermiculatam impositum, apud popinam Μβουταράκι Paroeciae infertur
In Francia plurimi eodem modo dissecant,[2] sed sunt qui gallum integrum coquuntur. Edmundus Richardin primum inventorem huius ferculi "Caesarem imperatorem" fuisse incaute adseveravit: praeceptum autem, quod anno 1906 edidit, ad cauponam quandam Arvernam la belle Meunière adscripsit.[3]
Notae[recensere | fontem recensere]
- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ Oenologie Perwez; sic etiam medio saeculo XIX (sed perpauco vino infuso!) in Cookery for English households by a French lady (1864) pp. 93-94 sub titulo Poulet au vin blanc
- ↑ Richardin, ed. (1906)
Bibliographia[recensere | fontem recensere]
- 1906 : Edmond Richardin, ed., L'art du bien manger (Lutetiae) p. 252
- 1961 : Julia Child, Mastering the Art of French Cooking (Novi Eboraci)
Nexus externi[recensere | fontem recensere]
- "Κόκορας κρασάτος κοκκινιστός" apud Argiro Barbarigou
- "Coq au Vin" (13 Novembris 2012) apud Epicurious
- "Le coq au vin" (16 Novembris 2007) apud Oenologie Perwez