Gallopavonina
Caro gallopavonina[1] ab ave speciei Meleagridis gallopavonis provenit, in silvis Americae Septentrionalis endemicae, in Mexico abhinc 1 500 annis (vel pluribus) domesticatae. Inter fercula gallopavonina celebriora sunt illa quae in Civitatibus Foederatis ad epulum Festi Gratias Agendi, in Britannia ad Christi Nativitatem inferuntur.
Ioannes Anthelmus Brillat-Savarin gastronomus, qui gallopavonem silvaticam in Massachusetta venatus est, de hac specie ait: Le dindon est certainement un des plus beaux cadeaux que le Nouveau Monde ait faits à l'ancien ("gallopavo est sine dubio inter pulcherrima dona quae Novum mundum Antiquo dederit")[2] Idem primus fortasse famam gallopavonum Cremiaci in Delphinatu relatus est: ibi enim gallopavones elevantur quae omnis Franciae succulentissimas esse praetenduntur.[3]
Notae[recensere | fontem recensere]
- ↑ "Putenfleisch, n caro gallopavonina" (2014) in Lexicon Latinum Hodiernum".
- ↑ Brillat-Savarin (1826)
- ↑ "Un énorme dindon de Crémieu": Ioannes Anthelmus Brillat-Savarin, Physiologie du goût (Lutetiae, 1826) vol. 2 p. 300; "Foire aux dindes : les volailles en vedette" in Dauphiné libéré (11 Decembris 2012); Emily Imbert, "Tendre et fragile dinde de Crémieu" in Dauphiné libéré (20 Augusti 2012); Françoise Montagnon, "La dinde de Crémieu : pas de foire mais une recette pour les fêtes" in Le Progrès (21 Decembris 2020)
Bibliographia[recensere | fontem recensere]
- 1803 : Grimod de la Reynière et al., Almanach des gourmands vol. 1 (2a ed. 1803) pp. 107-108, 137-144; vol. 2 (2a ed. 1804) p. 265
- 1825 : Ioannes Anthelmus Brillat-Savarin, Physiologie du goût (Lutetiae, 1826) meditatio 6 cap. 35-38 vol. 1 pp. 145-160 apud Internet Archive