Gaius Sempronius Tuditanus (consul 129 a.C.n.)
Gaius Sempronius C.f. Tuditanus (natus saeculo 2 a.C.n., mortuus post annum 129 a.C.n. Pergami) vir publicus, rerum gestarum scriptor atque iuris peritus Romanus fuit.
Cursus honorum[recensere | fontem recensere]
Anno 146 a.C.n. bello Lucii Mummii in Graecia interfuit[1] et anno 145 quaestor electus est[2]. Anno 132 praetor fuit et anno 129 una cum Manio Aquillio consulatum administravit. Tuditanus, cum iudicia de agro a Tiberio Graccho diviso sibi a senatu tributa vitare vellet[3], expeditionem in Iapodes coepit[4]. Quibus victis triumphavit. Hostius praeterea poeta Bellum Histricum - nunc autem perditum - de hac expeditione composuit.
Scriptor[recensere | fontem recensere]
Tuditanus Libros Magistratuum[5] - verisimile XIII[6] - composuit. Praeterea auctor est Historiae Romanae[7] ab initiis ad secundum saeculum a.C.n. Quae opera nunc perdita sunt.
Bibliographia[recensere | fontem recensere]
- Fridericus Münzer: Sempronius 92). In: Paulys Realencyclopädie der classischen Altertumswissenschaft (RE). Band II A,2, Stuttgart 1923, Sp. 1441–1443.
- Gulielmus Kierdorf, "[I 22] S. Tuditanus, C." in Der Neue Pauly vol. 11 (Stutgardiae: Metzler, 2001. ISBN 3-476-01481-9) col. 395–396.
Notae[recensere | fontem recensere]
- ↑ Marcus Tullius Cicero, Epistulae ad Atticum XIII 32,2
- ↑ Op.cit. XIII 4,1
- ↑ Appianus Alexandrinus, Bellum Civile I 80
- ↑ Titus Livius, Periochae LIX; Appianus Alexandrinus, Bellum Illyricum 30
- ↑ Macrobius, Satirae I,11,1 et I,13,2.
- ↑ Aulus Gellius, Noctes Atticae XIII 15,4
- ↑ Dion.Hal. I,13,2
| Antecessores: Lucius Cornelius Lentulus et Marcus Perperna |
Consul 129 a.C.n. cum Manio Aquillio |
Successores: Titus Annius Rufus et Gnaeus Octavius |