Formula:PaginaMensis/Octobris 2013
Viceregnum Peruvianum (Hispanice: Virreynato, recentius Virreinato del Perú), pars Imperii Hispanici, anno 1542 in America Australi conditum est, Imperio Incarum a militibus Hispanis capto et exstincto. Viceregnum erat provincia politica et administrativa, quae, maximo eius spatio amplectato, territoria civitatum hodiernarum Columbiae, Aequatoriae, Peruviae et Boliviae necnon Argentinae Chiliaeque comprehendit, sed saeculo XVIII et usque ad libertatem harum terrarum e dicione Hispanica, aliis duobus viceregnis nuper constitutis, quasi intra fines Peruviae hodiernae restrictum est.
Cum Hispani urbem Cusci anno 1534 invaderent, militaris Peruviae occupatio facta a Francisco Pizardo ad terminum venit, et statim coepit evolutio coloniae loco qui dominatus erat ab Imperio Incarum, id qui ab anno 1542 in parte "gubernationis Novae Castellae" factum est, donec Viceregnum Peruvianum appellatum sit. Caput suum in Lima statutum est …