Formula:PaginaMensis/Iunii 2015
Centum Napoleonis dies sunt spatium dierum centum, a die 1 Martii usque ad diem 18 Iunii 1815 cladis Waterlooensis, in quo Napoleo, Francicorum imperator, cum in exsilium eiectus esset in Ilvam, rursus breviter rerum potitus est.
Anno 1813, Napoleo proelio superatus erat apud Lipsiam, et insequenti anno coactus est ex Lutetia fugere et in exilium ire a 1050 fidelibus militibus secutus in insulam Ilvam.
In Francia, Ludovicus XVIII, Ludovici XVI frater, regno potitus est, sed Napoleo evasit ex insula cum militibus et 1 Martii navi egressus est in Vallem Auream, oppidum parvulum in Provincia positum. Napoleo per Provinciam, regionem Borbonicis amicissimam, audacter progredi coepit. Cum imperator die 7 Martii ad Gratianapolim (Grenoble) pervenisset, Borbonica legio V se cum manu Napoleonis coniunxit. Postea multae aliae legiones Borbonicum exercitum deseruerunt ac Napoleoni se dederunt; ipse Ney, qui paulum antea regi promisit se illiberalem istum Corsum (sic enim Napoleonem nominabat) Lutetiam in ferrea cavea reportaturum, se cum Napoleone coniunxit. Postridie, Ludovico XVIII e Lutetia in Belgiam fugiente, Napoleo Lutetiam ingressus est …