Vicipaedia:Pagina prima/Nuntii

Compendium:
VP:N

Contenta huius paginae in Pagina prima monstrantur.

NB: eodem tempore, quo hic nuntium quemque addis, eandem rem in pagina 2021 adde aut sub "Eventis" aut sub "Mortuis"

• 3 Martii: Dies mundialis auditionis: In orbe terrarum plus quam quater milies trecenties centena milia homines facultates auditionis suas perdiderunt.

Speculatrum spatiale "Perseverance"

• 18 Februarii: Speculatrum spatiale "Perseverance" in superficiem Martis planetae descendit.

Ngozi Okonjo-Iweala

• 15 Februarii: Nigeriana Ngozi Okonjo-Iweala dux ordinis mercaturae mundanae electa est.
• 14 Februarii: Carolus Menem, pristinus praeses Argentiniae mortuus est.
• 1 Februarii: In Birmania interceptio regiminis a Min Aung Hlaing, duce exercitus, acta est.
• 26 Ianuarii: rhinocerotem lanosum (Coelodonta antiquitatis) viginti milium annorum in Siberia mense Augusto 2020 glacie liquescente repertum inventores exposuerunt. Adeo bene servatus est ut nonnulla organa integra sint.

Praeses Portugalliae Rebelo de Sousa

• 24 Ianuarii: Marcellus Rebelo de Sousa iterum praeses Portugalliae electus est.
• 22 Ianuarii: Nunc viget foedus de interdictione armorum nuclearium a Consociatione Nationum die 7 Iulii anni 2017 decretum.

Praeses Iosephus Biden iusiurandum muneris loquens

• 20 Ianuarii: Iosephus Biden Donaldo Trump in munere praesidis Civitatum Foederatarum Americae successit et in Domum Albam immigravit.
• 6 Ianuarii: Capitolium Civitatum Foederatarum a sectatoribus praesidis abituri Donaldi Trump oppugnatum est, dum illic congressus succedentem praesidem Iosephum Biden confirmavit. Quinque homines necati vel mortui sunt.
• 29 Decembris: Terrae motus magnitudinis 6.4 (in scala Richterana) Croatiam percussit. Fuit fortissimus motus usquam in Croatia notus. Epicentrum prope oppidum Petriniam erat. Postridie septem homines necati numerati sunt.

Valerius Giscard d'Estaing

• 2 Decembris: Valerius Giscard d'Estaing, pristinus praeses Rei Publicae Franciae, Covid-19 affectus Authonae mortuus est.