Flumen Tocantins

Tocantinum
Pons in Tocantino ad urbem Imperatricis.
Longitudo	2850 chm
Decursus aquae	16 190 m³/s
Area systematis	770 000 chm²
Fons	civitas Goiasensis
Ostium	Para
Regio	civitates Goiasensis, Maragnanensis. Tocantinensis et Paraensis.

Flumen Tocantins^[1] vel Tocantinum^[2] est flumen maximum in Brasilia situm. Circa 2450 chiliometra a meridie ad septentriones fluit.

Etymologia

Vocabulum tocantinum, ab vocabulis Tupiensibus tukã 'ramphastida' + ti 'rostrum', efficienter significat 'rostrum ramphastidae'.

Amnis in Flumen Amazonum influere usitate habetur, sed revera eius aquae in Oceanum Atlanticum una cum aquis Amazonum defluunt, nam Para bracchium in delta Amazonus latissimum aquis Tocantini pluribus et Amazonum minimis alitur.

Amnis per quattuor civitates Brasilienses (Goiasensem, Tocantinensem, Maragnanensem, Paraensem) fluit, et ex ea appellatur Tocantinensis, una e novissimis Brasiliae civitatibus, anno 1988 e septentrionali Goiasensis parte constituta.

Araguaia est maximus Tocantini accola, et longitudo fluminis a fonte Araguaiae ad ostium Tocantini maior est, quam a fonte Tocantini.

Urbes Imperatricis, Tocantinopolis^[3], Palmas ad ripas Tocantini sitae sunt.

↑ "Brasilia, Goyaz, in solo paludoso ad flumen Tocantins": Herbier C. Müller^{[nexus deficit]}. "In campis apertis secus flumen Tocantins, inter São João das Duas Barras et Porto Imperiale": Tropicos
↑ Vb. adiect. "Tocantinensis", cf. Corumbataia tocantinensis etc.
↑ "Dioecesis Tocantinopolitana" e The Hierarchy of the Catholic Church (situs a Davide M. Cheney elaboratus) (Anglice)

Provete, D. B. 2013. Tocantins River. PDF, pp. 1237–1239.
Ziesler, R., et G. D. Ardizzone. 1979. Amazon River System. In The Inland waters of Latin America. Food and Agriculture Organization, Consociatio Nationum. ISBN 9250007809