Ergasterium atomicum Zaporizhiense
Ergasterium atomicum Zaporizhiense[1] (Ucrainice Запорізька атомна електростанція; Russice Запорожская атомная электростанция) est ergasterium atomicum ad flumen Danaprim non procul ab oppido Enerhodaro in regione Zaporizhiensi Ucrainae situm. Quod intra Europam est maximum ergasterium atomicum cum reactoriis nuclearibus sex, a Zaporizhia 1 ad Zaporizhiam 6 appellatis. Potentia electrica 950 megavattii sexies est. Necessarius Ucrainae victui est.
Non solum propter complures perturbationes ergasterium[2] publico apparuit, sed etiam anno 2022 in incursione Russica in Ucrainam facta, quo ergasterii pars ignem concepit.[3]
Incursio Russica in Ucrainam (2022)[recensere | fontem recensere]
Conferatur pagina principalis Incursio Russica in Ucrainam (2022).Die 4 Martii 2022 proelio Enerhodariensi ineunte, copiae Russicae ergasterium ceperunt.[4] Vladimirus Zelens'kyj, Praeses Ucrainae, dixit diruptionem finem Europae sibi velle. Ergasterii rector nuntiavit reactores ergasterii putaminibus metallicis crassissimis protectas esse, ut vel allisionem aeroplani tolerarent. Dixit praeterea ergasterio systemata securitatis esse, quae vibrationibus ineuntibus efficerent, ut reactores intermitterentur.
A die 3 Augusti 2022, Ergasterium iam in discrimine est ratione impetus.[5] Die 25 Augusti 2022 circuituum electricorum detrimento igni, interruptio ergasterii ab reti electrico Ucrainico nuntiata est.[6] Die 29 Augusti 2022, Procuratio energiae atomicae internationalis Ergasterium legatos misit, ad securitatem institutionis protegendum.[7] Die 2 Septembris 2022, Procuratio energiae atomicae internationalis hoc Ergasterium primum invesitgavit.[8]
Notae[recensere | fontem recensere]
- ↑ Ut nomen regionis, ubi fontes videas.
- ↑ "Ucraina ergasterium post perturbationem exstinxit," apud independent.co. (Anglice)
- ↑ De viribus Russicis impetus in ergasterium facientibus, apud npr.org. (Anglice)
- ↑ Nuntius de ergasterii occupatione die 4 Martii 2022, apud bloomberg.com. (Anglice)
- ↑ UN alarm as Ukraine nuclear power plants shelled again(BBC)
- ↑ [1][nexus deficit] (Theodisce) lectum 25.4.2022
- ↑ Ukraine war:UN tearm leaves for Zaporizhzhia nuclear plant (BBC)
- ↑ Zaporizhzhia nuclear plant:UN experts make first inspection