Enipeus

Enipeus

Enipeus prope Ampeliam
Longitudo	84 chm
Fons	Othrys
Ostium	Peneus
Regio	Thessalia

Enipeus (Graece Ἐνιπεύς; Neograece Ἐνιπέας) est flumen Thessaliae. In monte Othrye in Phthiotide oritur, circa 85 chm per planitiem Thessaliae in nomis Larissa et Carditsa fluit et in Tricala in Peneum se effundit.

In antiquitate Enipeus in Pharsalo in Apidanum effundebatur, et ille in Peneum, sed Apidanus annis septuagesimis saeculi XX exsiccatus est. Tempore Ottomanico Kučuk Tsanarlis (Κουτσούκ Τσαναρλής), i.e. flumen platanorum minor, nominabatur.

Tyro in Enipeo se lavans cum Neptuno commiscuit, de quo Neleum et Peliam genuit; Homerus haec describit (Odyssea XI 238–239):

ἣ ποταμοῦ ἠράσσατ᾽ Ἐνιπῆος θείοιο,

ὃς πολὺ κάλλιστος ποταμῶν ἐπὶ γαῖαν ἵησι

(quae fluvium Enipeum divinum amavit, qui pulcherrimus fluviorum per terram fluit).