Roman numeral 10000 CC DD.svg

Ectopistes

E Vicipaedia
Jump to navigation Jump to search
Bird lore (1913) (14562557107).jpg
Ectopistes femina, anno 1896 vel 1898 picta, in aviario Caroli Otis Whitman conservata

Classis : Aves 
Ordo : Columbiformes 
Familia : Columbidae 
Subfamilia : Columbinae 
Tribus : Columbini 
Genus : †Ectopistes 
Swainson, 1827
Species : †E. migratorius 
Ectopistes migratorius 
(Linnaeus, 1766)  
Conservationis status
Synonyma
* Columba migratoria Linnaeus, 1766
  • Columba canadensis Linnaeus, 1766
  • Ectopistes migratoria Swainson, 1827
Territorium
Map-Ectopistes-migratorius.png
Prior ectopistum distributio, habitatione ordinaria aurantio colore, regione feturae rubro colorata

Ectopistes (a verbo Graeco ἐκτοπίζω 'loco moveo, migro') est genus avium exstinctarum familiae Columbidarum ordinis Columbiformium, cui est una sola species, Ectopistes migratorius, quae in America Sseptentrionali endemica fuit. Genus ei propinquissimum est Patagioenas. Ectopistes dimorphismum sexualem monstravit, nam mas fuit inter 39 et 41 cm longus, in parte superiore cinereus, in parte inferiore dilutior, pennis aëneis iridescentibus in collo, maculis nigris in alis; femina fuit inter 38 et 40 cm longa, mare hebetior et fulvior. Iuvenilis fuit feminae similis, sed non iridescens. Ectopistes silvas deciduas partis orientalis Americae Septentrionalis aliquandoque alios locos incolabat, sed circa Lacus Magnos fetabat. Gregibus ingentibus migrabant, cibum, suffugium, ac locos feturae quaerens. Olim avis omnes alias aves Americae Septentrionalis superabat, numero inter tres et quinque milliarda tempore summae multitudinis, sed non semper tot erant et numerus multum variabat. Ectopistes cito volebat, celeritates 100 chiliometra per horam attingens. Praesertim glandes aliique fructus et invertebrata edebat. In grege insistebat et fetabat, fortasse propter strategiam saturationis praedatoris.

Ectopistes Americani indigenae diu venabantur, sed venatio post Europaeorum adventum, et praesertim saeculo undevicensimo, crescit. Caro ectopistis, cibus insumptuosus, multum in mercatu vendebatur. Aliae exstinctionis causae fuerunt deminutio numeri ectopistum parientium, ad speciem conservandam necessarii, et perditio silvarum ubi habitaverant. Numerus avium lente inter 1800 et 1870, cito inter 1870 et 1890 deminutus est. Ultimus ectopistes ferus notus anno 1901 telo deiectus est. Tres greges avium in captivitate superstites fuerunt, sed denique ultimus ectopistes notus, nomine Martha, die 1 Septembris 1914 in horto zoologico Cincinnatensi mortuus est. Perditio huius speciei exemplum famosum exstinctionis ab hominibus effectae est.

Pinacotheca[recensere | fontem recensere]

Notae[recensere | fontem recensere]

Bibliographia[recensere | fontem recensere]

  • Blockstein, D. E. (2002). Poole, A.; Gill, F.. eds. Passenger Pigeon Ectopistes migratorius. Philadelphia: The Birds of North America, Inc., Cornell Lab of Ornithology. p. 611 
  • Fuller, E. (2014). The Passenger Pigeon. Princeton et Oxoniae: Princeton University Press. ISBN 978-0-691-16295-9 
  • Mann, C. C. (2005). "The Artificial Wilderness". 1491: New Revelations of the Americas Before Columbus. Novi Eboraci: Alfred A. Knopf. pp. 315–18. ISBN 1-4000-4006-X 
  • Schorger, A. W. (1955). The Passenger Pigeon: Its Natural History and Extinction. Madison, WI: University of Wisconsin Press. ISBN 1-930665-96-2 

Nexus externi[recensere | fontem recensere]

Commons-logo.svg Vicimedia Communia plura habent quae ad Ectopisten migratorium spectant.
Wikispecies-logo.svg Vide "Ectopisten migratorium" apud Vicispecies.
Wikidata-logo.svg Situs scientifici:  • ITIS • NCBI • Biodiversity • IUCN Red List • Fossilworks