Donatus Faesulensis

E Vicipaedia
Jump to navigation Jump to search

Donatus Faesulensis (natus c. 800 - mortuus 876) fuit poeta Hibernicus Latine scribens. Secundum "Vitas Patrum" apud bibliothecam Florentianam, Donatus e familia nobili in Hibernia ortus, anno 816 Romam iter fecit ut supulchra apostolorum visitaret. Inde regrediens a providentia, ut ferunt, divina ad civitatem Faesulas ductus est ubi cives quosdam invenit circum altaria precantes ut ad urbem a malis et temporalibus et spiritualibus liberandam episcopus sibi daretur. Donatum ipsum elegerunt et anno 829 episcopatui ordinatum in sedem Faesulensem elevaverunt.

Doctor artis compositionis metricae celeber fuit et in "Vita" carmina eius brevia variatim sparsa inveniuntur, inter quae notissimum est carmen duodecim versorum in quo patriam Hiberniam, fecunditatem agros eius et cives gratos laudat.