Dies asteroidum

E Vicipaedia

Dies asteroidum, etiam internationalis asteroidum dies appellatus, est anniversarius rei Tunguscanae dies, qui omnem per orbem terrarum celebratur, rem commemorans cum meteorites prope Tunguscam Transmontanam in Sibiria die 30 Iunii 1908 diruptionem super superficiem telluris faceret, maxime quidem noxiam rem quae ad asteroides in historia recentissima pertinet.[1] Dies 6 Decembris 2016, conventus generalis Nationum Unitarum per resolutionem A/RES/71/90[2] hunc diem rite sanxit.

Historia[recensere | fontem recensere]

Dies asteroidum a Stephano Hawking, Gregorio Richters (fabricatore pellicularum), B612 Foundation,? Danica Remy, Rusty Schweickart (astronauta Apollonis 9), et Briano May (citharista gregis Queen et astrophysico) una conditus est.[3][4] Plus quam centum astronautae, physici, technologi, et artifices, inter quos Ricardus Dawkins, Gulielmus Nye, Petrus Gabriel, Iacobus Lovell, Michael Collins (astronauta Apollonis 11), Alexander Leonov, Gulielmus Anders, Kip Thorne, Dominus Martinus Rees, Christophorus Hadfield, Rusty Schweickart, et Brianus Cox declarationem diei asteroidum una consignaverunt.[5][6]

Notae[recensere | fontem recensere]

  1. Trigo-Rodríguez, Palme, et Gritsevich 2017.
  2. Resolutio A/RES/71/90
  3. Clark 2015.
  4. Hearn 2018.
  5. Wall 2014.
  6. Asteroid Day List of Signatories Formula:Webarchive.

Bibliographia[recensere | fontem recensere]

  • Clark, Stuart. 2015. "Second anniversary of Chelyabinsk meteorite strike." The Guardian, 15 Februarii 2015. Editio interretialis.
  • Hearn, Elgan Rhodri. 2018. "Spaceguard centre in Knighton pay tribute to scientific genius Stephen Hawking." Country Times, 14 Martii 2018. Editio interretialis.
  • Trigo-Rodríguez, J. M., H. Palme, et M. Gritsevich. 2017 "Barcelona Asteroid Day 2015: Revisiting the Threat by Asteroid and Comet Impact." In Assessment and Mitigation of Asteroid Impact Hazards, ed. J. Trigo-Rodríguez, M. Gritsevich, et H. Palme. Astrophysics and Space Science Proceedings 46. Cham: Springer. Caput decimum, catalogus Springeranus.
  • Wall, Mike. 2014. "'Asteroid Day' to Raise Awareness of Space Rock Threat." Space.com, 3 Decembris 2014. Editio interretialis.

Nexus externi[recensere | fontem recensere]