Dickson (colonia urbana)

Res apud Vicidata repertae:

Civitas: Russia
Locus: 73°30′30″N 80°31′28″E
Numerus incolarum: 548
Situs interretialis

Gestio

Procuratio superior: Dikson (urban settlement)

Vide etiam paginam discretivam: Dickson

Dickson^[1] (Russice Диксон) est colonia urbana in territorio Crasnoiarensi Russiae. Sita est in ostio sinus Ieniseensis ad litus maris Karensis. Pars coloniae in insula Dickson aedificata est, pars in litore continentali; eas partes fretum Vega dividit. Incolas 319 habuit anno 2021 (ad quinque milia annis octogesimis saeculi XX). Portus et locus habitatus perpetuus (non statio exploratoria vel militaris) est Russiae maxime septentrionalis.

Historia[recensere | fontem recensere]

Pomoris insula a saeculo XVII nota erat; anno 1610 Condratius Kuročkin Ieniseae ostium visitavit. Insula tunc Longa (Dolgij) vel Cosmae (Kuz'kina) nuncupabatur. Anno 1737 Charito Laptev hic navigavit et anno 1938 Theodorus Minin, qui insulam Boreorientalem Maiorem nominavit. Anno 1875 Nordenskiöldii expeditio hos locos exploravit; tunc nomen hodiernum insulae datum est. Anno 1894 expeditio Andreae Vilkitzkii hoc nomen confirmavit.

Anno 1901 Eduardus de Toll primum aedificium ad carbonem servandum hic reliquit. Anno 1915 colonia maior cum stationibus radiophonica et meteorologica aedificabatur. Portus marinus anno 1934 construi coepit. Ludus litterarum anno 1943 apertus est.