Diana de Andalo

Diana de Andalo (nata anno circiter 1201; mortua Bononiae die 10 Iunii 1236 fuit femina nobilis Italiae quae suadente Reginaldi Aurelianensis vitam religiosam suscepit et anno 1220 in conventum apud Ronzano iuxta Bononiam intravit, sed a familia sua vi educta est. Anno insequenti cum Dominico Oxomensi collocuta est; a quo tempore Monasterium Sanctae Agnetis feminis Dominicanis dicatum Bononiae instituere voluit, id quod die 13 Maii 1223, Dominico iam mortuo, perfecit. Ab anno 1222 usque ad 1236 epistulas crebriter inter se miserunt illa et Iordanus de Saxonia, qui a principio fuit magister provinciae Lombardiae sed mox magister Ordinis omnis.

Fontes de vita Dianae de Andalo

• Epistulae Iordani de Saxonia et Dianae de Andalo
• Vita beatae Dianae

Bibliographia

• "Atti o memorie della B. Diana d'Andalò verg. dell'Ordine de Predicatori" in Giovambattista Melloni, Atti o memorie degli uomini illustri in santità nati o morti in Bologna vol. 1 (Bononiae, 1773) pp. 194-255 et 363-388 Textus apud Google Books
• Marguerite Aron, Un animateur de la jeunesse au XIIIe siècle: vie, voyages du Bx Jourdain de Saxe, maître-ès-arts à Paris et général des frères prêcheurs de 1222 à 1237. Lutetiae, 1930
• Marguerite Aron, interpr., Jourdain de Saxe: Lettres à Diana d'Andalo. Insulae, 1924 (Francogallice)
• Hyacinthe-Marie Cormier, La bienheureuse Diane d'Andalo et les bienheureuses Cécile et Aimée. Romae, 1892
• Norbert Georges, interpr., Blessed Diana and Blessed Jordan: the story of a holy friendship. Somerset Ohii: Rosary Press, 1933 Textus^{[nexus deficit]} (Anglice)
• Paolo Vanzan, interpr., Santita e amicizia: lettere del beato Giordano di Sassonia alla beata Diana degli Andalo. Bononiae, 1993 (Italiane)

Nexus externi

• Beata Diana degli Andalò, Vergine apud Santi Beati (Italiane)
• Diana degli Andalò, Beata apud Catholic.net (Hispanice)