Jump to content

Decapolis

E Vicipaedia
Tabula decapolis
Vide etiam paginam discretivam: Decapolis (discretiva).

Decapolis (Germanice Zehnstädtebund, Alsatice Gemeine Richstette) est foedus iussu imperatoris Caroli IV inter decem urbes imperiales Alsatiae (Hagenoa, Colmaria, Vissemburgum, Turinghemium, Obernacum, Caesaris Mons, Rosheim, Munster, Selestadium, Mulhusia) anno 1354 ictum. Usque ad annum 1679 viguit, quamquam iam ab anno 1466 Mulhusienses a sociis in bello "sex denariorum" dicto deserti societatem confoederationis Helveticae praetulerunt et anno 1515 fidem in decapolim renuntiarunt. Civitates decapolis participes opem invicem ferebant tam in rebus militaribus quam pecuniariis. Hagenoa velut caput confoederationis fuit ubi curia (Reichslandvogtei) sedebat. Conventus Selestadii plerumque agebantur ubi et acta conventuum servabantur.

De fine[recensere | fontem recensere]

Etiam post Pacem Westphalicam (1648) decapolis Francogallorum regi restitit atque fidem erga imperatores servavit. Sed postquam die 5 ianuarii 1675 Thuringhemiano proelio Turennae vicecomes exercitum Imperii Germanici ab Electore Magno ductum vicit, Noviomagense pactum (1679) Francorum dicionem in Alsatia confirmavit. Eodem anno 1679 decapolis dissoluta est.

Plura legere si cupis[recensere | fontem recensere]

Nexus externi[recensere | fontem recensere]