Culturomica
Culturomica[1] (Anglice culturomics) est genus lexicologiae computatralis quod mores et inclinationes hominum per analysin quantitativam textuum digitizatorum cognoscit,[2] et quidem congesta et descripta datorum mole utitur ad culturam humanam pertractandam.[3] Investigatores magna archiva digitalia eruunt ad cognoscendas res culturales in lingua et usu vocabulorum refulgentes.[4]
Neologismus Anglicus culturomics in Civitatibus Foederatis factus primum in commentario "Quantitative Analysis of Culture Using Millions of Digitized Books" a quattuordecim coauctoribus edito invenitur.[5] Ex quibus Michell et Aiden multum contulerunt ad creandum Google Ngram Viewer, opus apud Google Labs inceptum, quod n-grammatibus utitur ad data ex Google Books, bibliotheca digitali, eruenda eo consilio, ut schemata culturalia quae in usu linguae addito tempore appareant aperiantur.
Studia additicia[recensere | fontem recensere]
Kalev H. Leetaru in commentario, quem "Culturnomics 2.0" inscripsit, archiva nuntiorum (inter quae etiam transcriptiones televisificas et radiophonicas) cognovit, ut verba inveniret, quae ad sonum vel "modum" referrentur atque res geographicas indicarent. Qua investigatione potuit Ver Arabicum anni 2011 retro praedicere, atque ultimum locum Osamae Bin Laden intra 124 milia passuum feliciter aestimare.[6]
Notae[recensere | fontem recensere]
- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ Cohen 2010; Hayes 2011.
- ↑ Acroasis TED, ab Erez Lieberman Aiden et Ioanne Baptista Michel habita, apud situm ted.com.
- ↑ Letcher 2011.
- ↑ Michell et ceteri 13 coauctores 2010.
- ↑ Leetaru 2011; Quick 2011.
Bibliographia[recensere | fontem recensere]
- Bohannon, John. 2011. Google Books, Wikipedia, and the Future of Culturomics. Science, 14 Ianuarii, 331(6014):135.
- Cohen, Patricia. 2010. In 500 Billion Words, New Window on Culture. The New York Times, 16 Dec.
- Hayes, Brian. 2011. Bit Lit. American Scientist 99 (3): 190.
- Leetaru, Kalev H. 2011. Culturomics 2.0: Forecasting Large-Scale Human Behavior Using Global News Media Tone In Time And Space. First Monday 16(9).
- Letcher, David W. 2011. Cultoromics: A New Way to See Temporal Changes in the Prevalence of Words and Phrases. American Institute of Higher Education 6th International Conference Proceedings 4 (1): 228-235.
- Michel1, Jean-Baptiste; Yuan Kui Shen; Aviva Presser Aiden; Adrian Veres; Matthew K. Gray; The Google Books Team; Joseph P. Pickett; Dale Hoiberg; Dan Clancy; Peter Norvig; Jon Orwant; Steven Pinker; Martin A. Nowak; Erez Lieberman Aiden. 2010. Quantitative Analysis of Culture Using Millions of Digitized Books. Science 331 (6014): 176–182.*Morse-Gagne, Elise E. 2011. Culturomics: Statistical Traps Muddy the Data. Science, 1 Aprilis, 332(6025): 35.
- Quick, Darren. 2011. Culturomics research uses quarter-century of media coverage to forecast human behavior. Gizmag, 7 Septembris.
- Schwartz, Tim. 2011. Culturomics: Periodicals Gauge Culture's Pulse. Science 332 (6025): 35–36.
Nexus externi[recensere | fontem recensere]
- Acroasis TED, ab Erez Lieberman Aiden et Ioanne-Baptista Michel habita, ted.com
- "The Cultural Observatory at Harvard," ab Erez Lieberman Aiden et Ioanne Baptista Michel rectus, culturomics.org
 |
Haec stipula ad informaticam spectat. Amplifica, si potes! |