Conventus familiarum Esperanticarum

Conventus familiarum Esperanticarum - Esperantice: Renkont(iĝ)o de Esperantistaj Familioj, compendiarie: REF) - ex anno 1978 quotannis alicubi in Europa celebratur, ut infantibus, quibus sermoni patrio lingua Esperantica est, consuetudines cum aliis esperantistis extra propriam familiam aperiantur.

Idea[recensere | fontem recensere]

Notio principalis est proponere festum omnium familiarum Esperanticarum, quod non solum pro illis sed etiam ab illis disponatur. Bene affecti parentes infantesque libere cum omnibus aliis nugari et peritias permutare possunt. Cantatur, plassatur, luditur, spectacula eduntur, pelliculae spectantur conficiunturve, natatur, migratur, athleticae indulgetur, saltatur, excursiones culturales fiunt, escae internationales coquuntur, instrumentis canitur - et ita porro. Primus moderator et genitor consilii de talibus conventibus celebrandis Stephanus Nemere fuerat.

Loci[recensere | fontem recensere]

Ecce urbes ubi festum iam celebratum est:

Hungaria: Hódmezővásárhely/1979, Sabaria/1980, Pápa/1981, Augusztin-tanya/1982, Sümeg/1983+1993, Vesprimia/1984, Őriszentpéter/1987, Szentgotthárd/1988, Iaurinum/1989, Őriszentpéter/1991+1992, Tata/1995, Ad Flexum/1998, Vác/2000, Sikonda/2002, Nagyvisnyó/2007, Strigonium-Búbánatvölgy/2015, Ispánk (Comitatus Castriferrei)/2021 (pro congressu anni 2020 qui fieri non potuit)^[1]

Slovacia: Žilina/1981, Slovenský raj/1990, Posonium/1996
Croatia: Pag/1985, Savudrija/1997+2001, Stara Sušica/2010, Fužine/2016
Polonia: Zagornik/1986, Przytok/1999, Cierzpięty-Piecki/2005
Slovenia: Marburgum/1994
Francia: Castellum Grésillon (Baugé-en-Anjou)/2003+2008+2013
Serbia: Mali Iđoš/2004+2009, Rudnik/2017
Bohemia: Pilsky Mlyn/2006
Suecia: Lesjöfors/2011+2014
Germania: Sayda/2012, Mulhusa Thuringorum/2018+2019