Constantinus Vergilius Gheorghiu

Constantinus Vergilius Gheorghiu (natus Războieni in Dacoromania die 15 septembris 1916 - mortuus Lutetiae die 22 Iunii 1992^[1]) fuit scriptor Dacoromanicus et Francogallicus qui anno 1963, patris exemplum secutus, presbyter ecclesiae orthodoxae creatus est. Praecipue notus est ob mythistoriam contra totalitarismum et machinismum et societatem technicam omnesque ideologias quae homines humanitate sua spoliant anno 1949 publicatam et cui titulus fuit Hora vicesima quinta (Dacoromanice Ora 25, Francice La vingt-cinquième heure). In summa hoc opere iura hominum a civitate vindicabat. Plus quam decies centena milia exemplarium vendidit et opus in 31 linguas versum est. Quamquam Dacoromanice scripta mythistoria haec Francice et in Francia primum edita est^[2], ubi auctor communismum refugiebat, postquam interpres eam vertit. Scripta posteriora Vergilii Gheorghiu tam Dacoromanica quam Francica multo pauciores lectores ad se attraxerunt.

Anno 1967 Henricus Verneuil pelliculam e mythistoria duxit, primas partes agente Antonio Quinn.

De vita

Presbyteri orthodoxi filius Vergilius philosophiae et theologiae domi et Heidelbergae studet atque simul poemata scribere et publicare incipit. Deinde in patria Dacoromanica in ministerio ab externis rebus publici honoris officium impetrat et Iudaeam uxorem ducit. In secundo bello mundano dictatore Ioanne Antonescu Romania nazistarum bellis interest et res Vergilii periculosae fiunt ob uxorem. Nihilominus Zagrabiae in legatione Dacoromanica latuit. Anno 1944 communistarum Ruthenorumque adventu territus in occidentem fugit ubi tamquam hostis in castris carceralibus Germaniae ab Americanis retinetur ac per duos annos ab uxore separatus languescit, quae et ipsa e castris in castra captiva transvehebatur (1945-7). Quae elementa autobiographica in persona Horae vicesimae quintae Traiano Koruga cognitu facilia, qui insuper librum eiusdem tituli inchoat atque alter ego auctoris sui dici potest.

Anno 1948 par asylo in Francia donatur ubi Vergilius Gheorghiu usque ad mortem habitavit atque multa scripta edidit. Sed post ingentem et mundanum successum favor popularis cito deferbuit inter alia quia accusationibus obnoxius fuit eorum qui scripta antisemitica et nazismum glorificantia tempore belli edita Vergilio obiciebant^[3]. Praecipui instigatores huius denigrationis fortasse fuerunt communistae. Certe Gheorghiu testis remanet aetatis horribilis qua incolae Europae per continentem esurientes errabant aut sine ulla humanitate in carcerem rapiebantur aut minima de causa necabantur.

Opera

Tărâmul celalalt: versuri, Bucarestae: Fundația pentru literatură și artă Regele Carol 2, 1938
Cântece de faun, Bucarestae: Fundația regală pentru literatură și artă, 1940
Caligrafie pe zăpadă, Bucarestae: Fundația pentru literatură și artă Regele Carol II, 1940
Ceasul de rugăciune: poeme, Bucarestae: Editura Națională Gh. Mecu, 1942
Am luptat în Crimeea, Bucarestae: Editura Națională Mecu, 1942
Rumänische Märchen, Ähren-Verl, Heidelberg, 1948
Ora 25, 1949. La vingt-cinquième heure, Lutetiae: Éditions Plon, 1949. The twenty-fifth hour Novi Eboraci: Alfred A. Knopf, 1950
La seconde chance, Lutetiae: Éditions Plon, 1952
L'homme qui voyagea seul Lutetiae: Éditions Plon, 1954
Le peuple des immortels Lutetiae: Éditions Plon, 1955
Les sacrifiés du Danube, Lutetiae: Éditions Plon, 1957
Saint Jean bouche d'or Lutetiae: Éditions Plon, 1957
Les mendiants de miracles, Lutetiae: Le Livre de Poche, 1958
La cravache, Lutetiae: Éditions Plon, 1960
Perahim Lutetiae: Éditions Plon, 1961
La maison de Petrodava, Lutetiae: Éditions Plon, 1961
La vie de Mahomet, Lutetiae: Éditions Plon, 1963. Éditions du Rocher, 1999. ISBN 2-268-03275-2
Les immortels d'Agapia, 1964. Éditions Gallimard, 1998 ISBN 2-07-040287-8. The immortals of the mountain, Sicagi: Regnery Publishing, 1969
La jeunesse du docteur Luther, Lutetiae: Éditions Plon, 1965
De la vingt-cinquième heure à l'heure éternelle, Éditions Plon, 1965. Éditions du Rocher, 1990 ISBN 2-268-01038-4
Le meurtre de Kyralessa, 1966. The Death of Kyralessa, Sicagi: Regnery Publishing, 1968 ISBN 0-8371-7991-2
La tunique de peau, Lutetiae: Éditions Plon, 1967
La condottiera, Rombaldi, Collection Le Club de la Femme, 1969
Pourquoi m'a-t-on appelé Virgil?, Lutetiae: Éditions Plon, 1968
La vie du patriarche Athénagoras, Lutetiae: Éditions Plon, 1969
L'espionne, Éditions Plon, 1973. Éditions du Rocher, 1990 ISBN 2-268-00985-8
Dieu ne reçoit que le dimanche, Éditions Plon, 1975
Les inconnus de Heidelberg, Éditions Plon, 1977 ISBN 2-259-00195-5
Le grand exterminateur, Éditions Plon, 1978 ISBN 2-259-00323-0
Les amazones du Danube, Éditions Plon, 1978 ISBN 2-259-00402-4
Dieu à Paris, Éditions Plon, 1980, ISBN 2-259-00613-2
Mémoires: Le témoin de la vingt-cinquième heure, Éditions Plon, 1986 ISBN 2-259-01435-6
La Corée, la belle inconnue de l'Extrême-Orient - A l'heure des Jeux Olympiques, 1987
La Condottiera, Vaterloi Ontarionis: Arouca Press, 2022 ISBN 978-1-990685-21-7

Notae

↑ Josyane Savigneau, « Témoin de la "vingt-cinquième heure", Virgil Gheorghiu est mort", Le Monde 23 Iunii 1992.
↑ La Vingt-cinquième Heure, traduit du roumain par Monique Saint-Côme (alias Monica Lovinescu), préface de Gabriel Marcel, Plon, 1949.
↑ Exempli gratia: Francis Crémieux, «Toute la vérité sur "l'écrivain" GHEORGHIU», Les Lettres françaises, no 446,‎ 1 au 8 janvier 1953, p. 2. Apologia apud Thierry Gillybœuf, « Père Virgil Gheorghiu - Une rhapsodie roumaine " hesychia.eu (2021).

Plura legere si cupis

Amaury d'Esneval, Gheorghiu, 2004 ISBN 2-86714-324-1
Claudia Drăgănoiu, «La « réhumanisation » de l’Autre dans La Vingt-cinquième heure de C. V. Gheorghiu », Recherches, 2013: 91-98

Nexus externi

Vicimedia Communia plura habent quae ad Constantinum Vergilium Gheorghiu spectant.

Lexica biographica: • Deutsche Biographie •

[1] Josyane Savigneau, « Témoin de la "vingt-cinquième heure", Virgil Gheorghiu est mort", Le Monde 23 Iunii 1992.

[2] La Vingt-cinquième Heure, traduit du roumain par Monique Saint-Côme (alias Monica Lovinescu), préface de Gabriel Marcel, Plon, 1949.

[3] Exempli gratia: Francis Crémieux, «Toute la vérité sur "l'écrivain" GHEORGHIU», Les Lettres françaises, no 446,‎ 1 au 8 janvier 1953, p. 2. Apologia apud Thierry Gillybœuf, « Père Virgil Gheorghiu - Une rhapsodie roumaine " hesychia.eu (2021).

[1]

[2]

[3]