Congregatio Sancti Iohannis Baptistae Praecursoris

E Vicipaedia

Congregatio Sancti Iohannis Baptistae Praecursoris est institutum clericale iuris pontificii. Sodales, viri equidem, huius congregationis, vulgo Battistini (quod Latine Baptistini reddi potest) vocati, nomini suo sigla C.S.I.B.P. postponunt[1].

Congregatio Sancti Iohannis Baptistae Praecursoris orta est anno 1958 dieque 24 Iunii anni insequentis a Sancta Sede decretum laudis recepit[2]. Primus instituti superior generalis fuit, mandato papae Ioannis XXIII, cardinalis Arcadius Maria Larraona Saralegui (natus anno 1887 - mortuus 1973).

Congregatio Sancti Iohannis Baptistae Praecursoris auxilio sacerdotibus dioecesanis ferendo praecipuam operam dat. Curia eius generalis Romae est sita.

Notae[recensere | fontem recensere]

  1. ↑ Ann. Pont. 2007, p. 1492.
  2. ↑ DIP, vol. VIII (1988), col. 477.
Receptum de "https://la.wikipedia.org/w/index.php?title=Congregatio_Sancti_Iohannis_Baptistae_Praecursoris&oldid=3542881"