Comitatus Zaladiensis (regio historica)

Haec pagina de Comitatu Zaladiensi Regni Hungariae explicat. Si comitatum hodiernum quaeris, vide Comitatus Zaladiensis.

Comitatus Zaladiensis (1910)
Regio	Transdanubium
Caput	olim Zaladia, a saeculo duodevicesimo Zalaegerszeg
Area	5995 km²
Numerus incolarum	466 333 incolae
Gentes	74 % Hungari 20 % Croati 5 % Sloveni 1 % Germani
Situs Comitatus Zaladiensis in Regno Hungariae

Comitatus Zaladiensis (Hungarice Zala vármegye , Theodisce Komitat Zala) erat unus e sexaginta tribus Regni Hungarici comitatibus, cuius territorium nunc partim in Hungaria austro-occidentali (in territorio comitatuum Zaladiensis et Vesprimiensis), partim in Croatia septentrionali (in regione Murania Media) et Slovenia boreo-orientali (circa Lendavam) patebat.

Situs

Tabula comitatus Zaladiensis circa annum 1890

Comitatus Zaladiensis finitimus erat Styriae (Austria) et comitatuum Hungaricorum Castriferrei, Vesprimiensis, Simigiensis, Belovariensis-Crisiensis et Varasdinensis (quorum duo ultimi ad Regnum Croatiae et Slavoniae pertinebant). A meridie Dravus limitem naturalem formabat, ab oriente Lacus Pelso; fluvii Mura et Zala per regionem fluunt.

Historia

Comitatus Zaladiensis saeculo undecimo ortus est et usque ad annum 1918 integer permansit. Primis saeculis Zaladia (Hungarice: Zalavár) caput comitatus fuit (e quo loco nomen comitatus deductum est), a saeculo duodevicesimo Zalaegerszeg sedes comitatus factus est. Pars austro-occidentalis, quae "Insula Murae" appellatur, anno 1919 Regno Serborum, Croatorum et Slovenorum concessa est (quod per Foedus apud Trianon sancitum anno 1920 iure gentium confirmatum est). Reformatione comitatuum anni 1950 facta pars Comitatus Castriferrei ab urbe Zalaegerszeg in septentriones versus territorio comitatus Zaladiensis adiuncta est, contra regio a Lacu Pelsone in septentrionem versus ad Comitatum Vesprimiensem venit.

Si plus cognoscere vis, vide etiam Comitatus Zaladiensis.

Nexus interni

• Comitatus Hungarici
• Index comitatuum Regni Hungariae

Comitatus (vármegyék, Komitate) antiqui Regni Hungarici circa annum 1910

	Regni Hungarici vexillum anno 1867
Abaúj-Torna (Abaujwar-Tornau) | Alsó-Fehér (Unterweißenburg) | Arad | Arwa | Bács-Bodrog (Batsch-Bodrog) | Baranya (Branau) | Bars (Barsch) | Békés (Bekesch) | Bereg (Berg) | Beszterce-Naszód (Bistritz-Naszod) | Bihar | Borsod (Borschod) | Brassó (Kronstadt) | Csanád (Tschanad) | Csík (Tschick) | Csongrád (Tschongrad) | Esztergom (Gran) | Fejér (Weißenburg) | Fogaras (Fogarasch) | Gömör és Kishont (Gemer und Kleinhont) | Győr (Raab) | Hajdú (Haiduck) | Háromszék | Heves (Hewesch) | Hont | Hunyad | Jász-Nagykun-Szolnok (Jaß-Großkumanien-Sollnock) | Kis-Küküllő (Klein-Kokelburg) | Kolozs (Klausenburg) | Komárom (Komorn) | Krassó-Szörény | Liptó (Liptau) | Máramaros (Maramuresch) | Maros-Torda | Moson (Wieselburg) | Nagy-Küküllő (Groß-Kokelburg) | Nógrád (Neograd/Neuburg) | Nyitra (Neutra) | Pest-Pilis-Solt-Kiskun (Pest-Pilisch-Scholt-Kleinkumanien) | Posoniensis | Sáros (Scharosch) | Somogy (Schomodj) | Soproniensis | Szabolcs (Saboltsch) | Szatmár (Sathmar) | Szeben (Hermannstadt) | Szepes (Zips) | Szilágy | Szolnok-Doboka | Temes (Temesch) | Tolna (Tolnau) | Torda-Aranyos | Torontál (Torontal) | Trencsén (Trentschin) | Turóc (Turz) | Udvarhely | Ugocsa (Ugotsch) | Ung | Vas (Eisenburg) | Veszprém (Wesprim) | Zala | Zemplén (Semplin) | Zólyom (Sohl) corpus separatum Fiume város és területe (Stadt Fiume mit Gebiet, Grad Rijeka i okolica) Croatia-Slavonia Belovár-Kőrös (Belovár-Kreutz, Bjelovar-Križevci) | Lika-Krbava | Modrus-Fiume (Modruš-Rijeka) | Pozsega (Požega) | Szerém (Syrmien, Srijem) | Varasd (Warasdin, Varaždin) | Verőce (Virovititz, Virovitica) | Zágráb (Agram, Zagreb)