Citrus australasica est species arborum fructiferarum quae ad genus citrorum pertinet. Binomen a Ferdinando de Mueller anno 1858 statutum est. Gualterus Tennyson Swingle in genus Microcitrus anno 1915 removit etiam hodie a nonnullis receptum. Fructus virides, flavi, fusci, rubri, nigri secundum varietates videntur.
In Australia sponte gignitur in silvis littoralibus tam humidis quam aridioribus Terrae Reginae australi et septrionalibus partibus Novae Cambriae Australis. Ibi coloni Britanni saeculo XIX propter fructibus utilibus servabant. Australiani hodie libenter in hortis colunt fructuumque vesiculos virides et succosos aut ad fercula ornanda inferunt sive et crudos conditosve comedunt. Fructus (Anglice interdum caviar lime appellatus) recentissime in alias continentes exportatur et colitur.
H. C. Barrett, A. M. Rhodes, "A Numerical Taxonomic Study of Affinity Relationships in Cultivated Citrus and Its Close Relatives" in Systematic Botany vol. 1 (1976) pp. 105-136 (Anglice)JSTOR
