Christophorus Hipkins
Christophorus HipkinsPatria: Nova Zelandia
Nomen nativum: Christopher John Hipkins
Familia
Christophorus Ioannes Hipkins, vulgo saepius Chris Hipkins (Hutt Valley in pago prope Wellington die 5 Septembris 1978 natus) est politicus Novae Zelandiae.
Alumnus est Universitatis Victorianae Vellingtonensis: ibi cum aliis quadraginta, tumultu accusatus (sed falso), a vigilibus prehensus est. In rebus politicis operam dedit: consiliarius fuit politicis Trevor Mallard, ministro et legato futuro, et Helena Clark, prima ministra futura. Factionis laboris membrum, legatus est parlamento Novozelandensi pro circulo Remutaka ab anno 2008. Minister eruditionis die 26 Octobris 2017, minister a valetudine die 2 Iulii 2020, minister a pandemia COVID-19 die 6 Novembris 2020, minister a vigilibus die 14 Iunii 2022 factus est. Prima ministra Hyacintha Ardern demissionem petente, ille dux factionis laboris die 22 Ianuarii 2023 electus est. Primus minister die 25 Ianuarii eiusdem anni rite inductus est.
Nexus externi[recensere | fontem recensere]
- "Chris Hipkins: From Head Boy to Prime Minister" (21 Ianuarii 2023) apud Radio New Zealand
