Choliambus
Choliambus (Graece χωλίαμβος 'iambus claudus'), seu scazon (-ontis; acc. casus: -onta, m.; Graece σκάζων 'claudicans'), est versus trimeter iambicus, cui est spondeus vel trochaeus in pede sexto. Successio duarum longarum acutarumque syllabarum in extremo versu rhythmum tamquam claudicantem facit, unde nomen.
Choliambus a Hipponacte poeta Graeco ad carmina derisioria pangenda inventus est. Idcirco choliambus Latine etiam versus Hipponacteus appellatur. Etiam Herodas, Catullus, et Martialis poetae hoc versu utebantur.
Exemplum choliamborum:
- Paen(e) ínsulárum || Sírmi(o) ínsulárúmque
- océlle, quáscumqu(e) || ín liquéntibús stágnis
- maríque vásto || fért utérque Néptúnus.
- (Catullus, Carmen 31)
Plura legere si cupis
[recensere | fontem recensere]- J.-P. Rossignol, Fragments des choliambographes grecs et latins, avec un traité du choliambe : commencement d'un travail sur les fables de Babrius, Firmin-Didot, 1849
- Pierre Somville, "Les choliambes de Perse", L'Antiquité Classique, 2001: 185-188