Centaurus (Lynceus)

Centaurus (Κένταυρος) fuit ludus scaenicus a Lynceo Samio scriptus, fortasse saeculo III a.C.n. ineunte, in genere Comoediae Novae. Huius comoediae nunc deperditae unum fragmentum citatur in libro IV Deipnosophistis Athenaei (131f); in collectanea comicorum Atheniensium editum est et in catena fragmentorum Lyncei ab Andrea Dalby congessa. In fragmento verba legimus coqui Atheniensis et convivae Perinthii de cena a quodam Rhodio praeparata; conviva disserit de usu ciborum apud Athenienses Graecosque alios, et praecipue de gustationibus.

Bibliographia

• A. Dalby, "Lynceus and the anecdotists" in Athenaeus and his world: reading Greek culture in the Roman Empire edd. David Braund, John Wilkins (Exoniae: University of Exeter Press, 2000) pp. 372-394.
• Poetae comici Graeci edd. R. Kassel, C. Austin. Berolini: De Gruyter, 1983- .

De hac re nexus intervici usque adhuc absunt. Adde, si reppereris.