Lewis in caerimoniis praemiorum Save The World, mense Iulio 2009.
Fridericus Carlton Lewis, late Carolus Lewis appellatus (natus Frederick Carlton Lewis Birminghamiae Alabamae die 1 Iulii 1961), est athleta ludorum stadiorum Civitatum Foederatarum, qui, alumnus Universitatis Hustoniensis, novem clipeos aureos unumque clipeum argenteum in Olympiis aestivis et decem clipeos tituli victoriae athleticae universae abstulit, quorum octo erant aurei. Suum curriculum annos a 1979 ad 1996 duravit, cum ultimum eventum Olympicum vinceret. Unus manet ex tribus athletis Olympicis qui clipeum aureum in eodem certamine in quattuor Olympiis continuis abstulit.
Lewis scholasticus universitarius saltu longo perfungitur.
Lewis in nota postalica Atropatenis, 1996.
Lewis est veganus.[1][2] Personas in multis pelliculis et seriebus televisificis egit. In acroasi scriptorum actorum per Ludos Panamericanos sub impetos sclopetarios El Paso et Daytoniae factos, Donaldum Trump Praesidem Civitatum Foederatum "rassistam, qui praeiudicatam opinionem in alios habet, misogyniae favet, neminem praeter se magni aestimat"[3] insigniter anno 2019 appellavit.[4]
- Devaney, John. 1984. Carl! The story of an American hero. Toronti et Novi Eboraci: Bantam Books. ISBN 0553250051.
- Jankowski, Matthew. 2020. The greatest track stars of all time. Novi Eboraci: Gareth Stevens Publishing. ISBN 9781538247891, ISBN 9781538247877.
- Lewis, Carl, cum Jeffrey Marx. 1992. Inside track: my professional life in amateur track and field. Novi Eboraci: Simon & Schuster. ISBN 0671780247.
