Carolus Coffin

E Vicipaedia
Salire ad: navigationem, quaerere

Carolus Coffin, Buzenciaci Dioeceseos Remensis anno 1676 natus Parisiis anno 1749 mortuus est. Collegii Sorbonae-Plessaei alumnus, Dormano-Bellovacensis Collegii Rector, anno 1718 Rector Academiae Parisiensis nominatus est. Constitutioni Unigenito adversarius strenuus viatico sepulturaque christiana ab ecclesiae Scti. Stephani in Monte parocho privatus est. Poetico genere pollens plus quam centum hymnos quorum permulti Breviario Parisiensi anno 1736 inclusi sunt composuit. Usu Parisiensi saeculo decimo nono abrogato complures versionibus anglicis melius cognoscuntur, inter quos 'Iam desinant suspiria', 'Instantis adventum Dei' nominari possunt. Hymnus nihilominus 'O fons amoris Spiritus' aliquotiens Latine cantatur.


Bullet blue.png De hac re nexus intervici usque adhuc absunt. Adde, si reppereris.