Campus Martius (Petropolis)

Vide etiam paginam discretivam: Campus Martius (discretiva).

Campi Martii de aere despectus (Hortus Aestivus, Neva et Palatium Marmoreum a fronte, Moika et Salvator ad sanguinem a tergo)

Campus Martius est area Petropolis, canaliculo Cygnorum et Moikae adiacens. Palatium Marmoreum et castra cohortis Paulinae Campo adiacent. Nunc prato et fruticibus ad ambulandum occupatus est.

Pompa in Prato Augustae anno 1831 (Gregorii Tschernetsov^(ru) pictura)

Historia

Horto Aestivo condito hic pratum vastum paludinosum diu manebat, quod canaliculis (Cygnorum et Rubro, nunc obruto) siccabatur. Pompae et festa interdum hic celebrabantur. Saeculo XVIII in altero latere palatium aestivum imperatricis constructum est (loco castrorum cohortis Paulinae, а Basilio Stasov annis 1817—1821 constructis); tunc pratum Augustae (Tsaritsyn lug) area nominabatur. Hic obeliscus Rumiantsevii in honorem Petri Rumiantsev a Vincentio Brenna anno 1795 constructus est, quem Carolus Rossi anno 1825 in insulam Basilii transtulit; pro eo monumentum Alexandri Suvorov in parte campi Nevae proxima erectum est, circa quem nunc forum Suvorovii, a campo Martio separatum, formatum est. Nomen Campi Martii anno 1805 area accepit; hic, dum Petropolis urbs capitalis fuit, pompae militares necnon ambulationes populi celebrabantur.

Nexus externi

Situs geographici et historici: Locus: 59°56′37″N 30°19′55″E • OpenStreetMap • Большая российская энциклопедия