Caliculus gustatorius
Caliculus gustatorius (olim etiam Schwalbense corpusculum dictum) est organum gustatus receptorium. Sunt circiter decem milia caliculorum in homine e quibus plerique in linguae mucosa inserti sunt, nonnulli etiam in parte interna genarum aut in palatio molli aut in pharynge atque etiam in parte dorsali epiglottidis. Caliculus unusquisque ovo forma similis inter quinquaginta et centum cellulas epitheliales continet: 1) epitheliales gustatorias et excitabiles quae microvillos per porum in cavum oris emittunt ubi saliva adluti quinque sapores percipiunt. 2)Epitheliales basales quae per mitosim frequentem novas cellulas receptorias gignunt quia celeriter abraduntur. Decem diebus paene universae renovatae sunt. 3) Epitheliales structuram sustinentes.
Illae cellulae cum dendritis neuronum coniunctae sunt quos sive per serotoninum sive ATP in synapsim emittentes excitant. Illi neurones per viam sensitivam nuntios acceptos usque ad partem somaesthesicam cerebri ad linguam spectantem adferunt[1].
Notae
[recensere | fontem recensere]- ↑ Elaine N. Marieb et Katja Koehn, Anatomie et physiologie humaines (undecima editio), Pearson, 2019: 15.6 in primis pp.659-660.
Plura legere si cupis
[recensere | fontem recensere]- Thomas E Finger, Linda A Barlow, "Cellular Diversity and Regeneration in Taste Buds", Current Opinion Physiology, 2021: 146-153
- Sue C Kinnamon, Thomas E Finger. "Recent advances in taste transduction and signaling", F1000 Research, 2019
- Rémi Gervais, Roland Salesse, edd., Odorat et goût: De la neurobiologie des sens chimiques aux applications. Versaliis: Quae, 2013. ISBN 978-2-7592-2006-9 (Paginae selectae apud Google Books)
- Thomas Hummel & Antje Welge-Lüssen, ed. (2006), Taste and Smell: An Update, (Advances in Oto-Rhino-Laryngology, vol. 63), Basileae: Karger, ISBN 3-8055-8123-8 (Paginae selectae apud Google Books)
- Stephen D Roper, Nirupa Chaudhari. "Taste buds: cells, signals and synapses", Nat Rev Neurosci, 2017: 485-497
- Akiyuki Taruno, Kengo Nomura, Tsukasa Kusakizako, Zhongming Ma, Osamu Nureki, J Kevin Foskett. "Taste transduction and channel synapses in taste buds", Pflugers Archiv, 2021: 3-13