Caecilia Duflot

Latinitas nondum censa
E Vicipaedia
Caecilia Duflot (ad sinistram partem) et Eva Joly Lugduni anno 2010 colloquentes

Caecilia, vulgo Cécile Duflot (apud villam novam Sancti Georgii in suburbanis Parisiensibus nata die 1 Aprilis 1975) est politica Franciae, olim secretaria generalis factionis cuius nomen est Europa Oecologia Virides.

Alumna universitatis Parisiensis VII et scholae superioris Scientiarum Oeconomicarum et Commercialium iuxta Cergeium, Caecilia Duflot anno 2001 ad factionem Viridum se iunxit. Orator publica huius factionis mense Ianuario 2005 merere coepit, et secretaria generalis (i.e. princeps, praecessore Ioanne Wehrling) a die 16 Novembris 2006. Ministra fuit pro habitatione et territoriorum evolutione, primo ministro Ioanne Marco Ayrault, a die 16 Maii 2012 usque ad 31 Martii 2014; quod officium retinens praesidium factionis suae die 23 Iunii 2012 renuntiavit, successore Paschale Durand. Successor ad ministerium pro habitatione fuit Sylvia Pinel. Legata est ad Parlamentum Francicum breviter anno 2012 rursusque a die 3 Maii 2014.

Opera[recensere | fontem recensere]

  • 2014 : De l'intérieur: voyage au pays de la désillusion. Lutetiae: Fayard
  • 2015 : Le grand virage : qu'est-ce qu'on attend pour être heureux. Lutetiae: Les Petits matins

Bibliographia[recensere | fontem recensere]

Nexus externi[recensere | fontem recensere]

Vicimedia Communia plura habent quae ad Caeciliam Duflot spectant.


Ductores factionis Viridum Francicae