Breidabolstadus

E Vicipaedia
Jump to navigation Jump to search
Ecclesia Bredabolstadi a Rognvaldo Olai filio delineata et anno 1912 consecrata.

Breidabolstadus[1] (Islandice Breiðabólstaður) fundus est Fljodshlide in Islandia situs. Iamdudum ibi ecclesia adest, in qua multi sacerdotes clarissimi operati sunt, nonnulli posterius episcopi.

Ormus Ioannis filius, qui saepe Breidabolstadicus appellatus est, filius Ioannis Lofti filii, ibi habitavit, cuius soror, Hallveig Ormi filia ibi et vixit cum marito, Bernone Thorvaldi filio Haukdaelo, fratre consanguineo Gisso Thorvaldi filio. Breidabolstado Biorn impetu Oddveriarum occisus est 17 Iunii 1221.

Ioannes Ögmundi filius, primus episcoporum Holae, Breidabolstado sacerdos fuerat, velut Egmundus Pauli filius antequam episcopi facti sunt. Högni Sigurdi filius quoque ibi sacerdos fuit. Thomas Saemundi filius, qui Fiolnim edit, monumentum Bredabolstado habet ubi et sacerdos fuit. Skúli Gíslae filius, qui fabulas collegit, saeculo 19 ibi sacerdos fuit.

Prima Breidabolstadi ecclesia saeculo 11 aedificata est, ea autem, quae nunc stat, consecrata anno 1912 est. Eam Rognvaldus Olai filius delineavit.

Bibliographia[recensere | fontem recensere]

  • Oddgeir Guðjónsson: "Fljótshlíð", Sunnlenskar byggðir IV, Búnaðarsamband Suðurlands 1982.
  • Vigfús Guðmundsson: Breiðabólstaður í Fljótshlíð, Reykjavík 1969.

Notae[recensere | fontem recensere]

  1. Attestatio nominis Latini in Annalibus Islandicis, p. 357 et 365.