Bogdan Filov
 |
Hanc paginam intra 3 menses augere oportet. Vicipaedia a die 1 Ianuarii 2016 paginas brevissimas non iam accipit. Cuique paginae opus est non carere: 1. lemmate paginae nomine congruente; 2. textu, qui rem definit notabilitatemque eius exprimit; 3. fonte externo certo; 4. nexibus internis ex hac pagina et ad hanc paginam ducentibus. |
Bogdan Dimitrov Filov (Bulgarice Богдан Димитров Филов, natus die 9 Aprilis 1883 Ulpiae Augustae Traianae in urbe provinciae eiusdem nominis; supplicio affectus die 1 Februarii 1945 Serdicae) fuit archaeologus et historiae artis et rerum politicarum peritus Bulgaricus.
Iuventus et munus
[recensere | fontem recensere]Filov Karlovo, Philippopolis Serdicae scholam frequentabat et anno 1900 testimonium maturitatis adeptus est. Deinde 1901 Herbipolis, 1902 - 1903 Lipsiae, anno 1904 - 1906 Friburgi archaeologiae atque historiae Romanae studebat. Anno 1906 et doctor promotus est. Annis 1907 - 1909 etiam Bonnae Lutetiae Romae studebat. Annis 1910 - 1920 director Musei Nationalis Serdicae erat. Annis 1920 - 1941 professor Universitatis Serdicensis fuit.
Cursus honorum
[recensere | fontem recensere]Anno 1938 administer institutionis publicae in consilio ministrorum Georgii Kjoseivanov factus est. Die 16 Februarii 1940 a rege Boride III ipse praeses ministrorum nominatus est. Rege die 28 Augusti 1943 mortuo Filov regens pro Simeone II rege, qui adhuc puer sex annorum fuit, factus est. A magistratu praesidis ministrorum se recessit.
Supplicium
[recensere | fontem recensere]Post diem 9 Septembris 1944, postquam Communistae in Bulgaria rerum potiti sunt, in carcerem iactus, a "iudicio populo" propter crimina allata damnatus atque cum multis aliis magistratibus pristinis die 1 Februarii 1945 supplicio affectus est.
- Augenda a mense Septembri 2025
- Viri
- Nati 1883
- Mortui 1945
- Alumni Universitatis Herbipolensis
- Alumni Universitatis Lipsiensis
- Alumni Universitatis Friburgensis Brisgaudiae
- Alumni Universitatis Bonnensis
- Alumni universitatum et scholarum Parisiensium
- Professores Universitatis Serdicensis
- Archaeologi Bulgariae
- Primi ministri Bulgariae