Latinitas bona

Bibliotheca Publica Bambergensis

E Vicipaedia
Salire ad: navigationem, quaerere


Bibliotheca Publica Bambergensis
Staatsbibliothek Bamberg
Bibliothecae Publicae Bambergensis sedes in Palatio Novo apud cathedralis ecclesiae aream
Bibliothecae Publicae Bambergensis sedes
in Palatio Novo apud cathedralis ecclesiae aream
Constitutum 1803
Locus Neue Residenz
Domplatz 8
96049 Bamberg
Res Publica Foederata Germaniae

Insigne Bambergae Bamberga
Vexillum Bavariae Bavaria
Vexillum Germaniae Germania
Genus Bibliotheca publica
Magnitudo congeriei 535 000 librorum impressorum,
6200 manuscriptorum
Director Bettina Wagner
Situs interretialis staatsbibliothek-bamberg.de

Bibliotheca Publica Bambergensis (Theodisce Staatsbibliothek Bamberg) est bibliotheca Rei Publicae Liberae Bavariae potissimum humaniorum literarum studiis inserviens. Condita est Bambergae in Franconia Superiore anno 1803. Sedes bibliothecae est Palatium Novum apud cathedralis ecclesiae aream.

Librorum copiae[recensere | fontem recensere]

Inter libros huius bibliothecae praestantissimos 165 codices manu scripti excellunt quos Henricus II imperator ecclesiae Bambergensi a se anno 1007 fundatae dono obtulit. Isti libri digitali modo redditi et in interreti divulgati sunt. Antiquissima sunt fragmenta codicis Liviani saeculo quinto exarati et codex integer saeculi sexti continens opera quaedam Sancti Hieronymi et Sancti Augustini. Tres codices ab Unitarum Nationum Educationis Scientiae Culturae Ordine in indicem cui titulus est Memoria mundi relati sunt.

Numerus codicum manu exaratorum 6300 exemplarium, numerus librorum impressorum 535 000 voluminum excedit, inter quae circiter mille codices medii aevi nec non et circiter 3550 incunabulorum typographiae prae ceteris memoranda sunt. 1800 fere scripta periodica continuo acquiruntur.

Anno 1987 Bibliothecae Publicae Bambergensi omnium librorum in Franconia Superiore typis excussorum exemplar unum accipiendi ius concessum est.

Nexus externi[recensere | fontem recensere]

Commons-logo.svg Vicimedia Communia plura habent quae ad Bibliothecam Publicam Bambergensem spectant.