Bernardus Franciscus Law

Res apud Vicidata repertae:

Nativitas: 4 Novembris 1931; Torreón
Obitus: 20 Decembris 2017; Roma
Patria: Civitates Foederatae Americae

Insignia heraldica

Bernardus Franciscus Law: insigne

Bernardus Franciscus Law: vexillum Bernardus Franciscus Law Cardinalis Ecclesiae Catholicae Romanae
archiepiscopus emeritus Archidioecesis Bostoniensis
titulus S. Susannae
Natus	4 Novembris 1931
presbyter ordinatus	21 Maii 1961
episcopus nominatus	22 Octobris 1973
episcopus consacratus	5 Decembris 1973
Cardinalis promulgatus	25 Maii 1985
a papa	Ioanne Paulo II
Mortuus	20 Decembris 2017

Bernardus Franciscus Law (Torreón in urbe Mexici natus die 4 Novembris 1931; Romae die 20 Decembris 2017 mortuus) fuit cardinalis Ecclesiae Catholicae et archiepiscopus emeritus Bostoniensis.

Patre operario aeronautico,^[1] Bernardus Law in Civitatibus Foederatis Columbiaque et insulis Virgineis Americanis educatus est. Alumnus fuit collegii Harvardiani, seminarii S. Iosephi in Ludoviciana, collegii Pontificii Iosephini iuxta Columbopolim in Ohio. Presbyter pro iuribus nigricolorum in Mississippia et Missuria militavit. Episcopus factus est Campifontis in Missuria anno 1973, archiepiscopus Bostoniensis die 23 Martii 1984. Anno insequenti cardinalis factus est. Accusatus propter presbyteros puerorum violatores a se protectos, archiepiscopatum die 13 Decembris 2002 renuntiavit Romamque petivit. Mense Aprili 2005 Law conclavi adfuit, qui Iosephum Ratzinger papam creavit.