Beowulf

Prima carminis pagina (Bibliotheca Britannica MS. Cotton Vitellius A XV f. 132r)

Beowulf est heroicum 3183 versuum carmen epicum, inter annos 700 et 1000 Saxonice ab auctore ignoto compositum. Carmen in uno libro manu scripto servatur, olim Bibliothecae Cottonianae, hodie in Bibliotheca Britannica comprehensa, siglo BL Cotton Vitellius A.xv cognito, anno circiter 1000 exscripto. Verbum Beowulf est nomen herois poematis, qui monstra Grendelem et matrem eius occidit. Etiam draconem necat Götaland regressus, rex factus. In proelio vulneratus moritur, in tumulo a suis sepelitur.

Nomen

Iohannes Ronaldus Reuel Tolkien, qui vir doctissimus operam poemati dedit explicando, credidit nomen significare 'lupum apium',' quod ad 'venatorem apium' et quidem 'ursum' spectare voluit ob ursorum mellis amorem. Linguis enim Germanicis, velut Anglica, verba concatenari possunt, cum Latine loquentibus casus ad relationes inter verba monstrandas usurpandi sint. Itaque beo et wulf sunt apis et lupus nullo casuum nexu inter verba adhibito.

Bibliographia

Editiones et versiones

• Grim. Johnson Thorkelin, ed. et interpr., De Danorum Rebus Gestis Secul. III & IV: poëma Danicum dialecto Anglosaxonica. Hauniae: Rangel, 1815 (Latine, Anglosaxonice) Textus apud archive.org Textus Latinus imperfectus

Eruditio

• Kevin S. Kiernan, Beowulf and the Beowulf Manuscript. New Brunswick, 1981

Nexus externi

Vicimedia Communia plura habent quae ad Beowulfum spectant.

• "Cotton MS Vitellius A XV" apud Bibliothecam Britannicam (catalogus et series imaginum)
• Electronic Beowulf

Haec stipula ad litteras spectat. Amplifica, si potes!