Before Sunset (pellicula 2004)

Before Sunset (2004)
Dispositor	Ricardus Linklater
Primi actores	Iulia Delpy Aethan Hawke
Duratio	80 minuta
Natio	Civitates Foederatae
Lingua	Lingua Anglica

Before Sunset est pellicula romantica ab Ricardo Linklater anno 2004 disposita. Quae fabula dramatica in opere scaenario non solum a Linklater, sed etiam a scaenicis Iulia Delpy et Aethan Hawke conscripto posita est.

Before Sunset ('Ante crepusculum') re vera continuatio est pelliculae Before Sunrise ('Ante diluculum') a Linklater anno 1995 dispositae, ubi Caelina (Iulia Dalpy), femina Francica, et Iesse (Aethan Hawke), vir Americanus, in tramine forte se inveniunt. Nocte Vindobonae una consumpta, in statione ferriviaria vale dicunt, interpositoque anno se invicem ibidem conventuros vovent.

Argumentum

Novem annis interpositis adoleverunt, et Vindobona in Parisios mutata. Ab Iesse interea scriptum est romancium prosperum This Time, quo de illa nocte una celebrata narrat. Ut praeconium faciat de libro suo, in Europam transvolavit. Cum sermonem suum praeconialem in Shakespeare and Company, taberna libraria Parisiensi, finiebat, Caelina necopinato in conspectum venit.

Caelina et Iesse demiratus, cum brevi in aeriportum proficisci debeant, tempus circumscriptum ad visenda loca Parisiorum lustranda terunt. Caelina se iam aliquot annos Parisiis habitasse dicit. Reapse, in pagina adfixa legisse se de illius visitatione, et proprie eum salutatum venisse.

Caelina, dum de romancio This Time conloquuntur, se bis illum librum legisse vehementer dicit: qua de causa se omnibus stupefactam esse rebus singulis, quibus illa unica nox sempiternà mmemorià digna descripta sit. Mox in profundo rerum ad personam pertinentium versantur, nam studiosissime de opere et rebus politicis conloquuntur, nec non lamentantur se Vindobonae non iam convenisse nec secum conexos esse.

Caelina primo eos illa longa nocte communi corporaliter coisse negat. At Iesse ipsius notae praeservativi, quo usus est, se meminisse adseverat. Dein Caelina, num in sepulchreto factum sit, sed Aethan hoc in horto fuisse dicit. Tum Caelina fieri posse concedit, ut inde memoriam prohibitoriam habuerit. Ambo, dum conloquuntur, eodem modo nunc quo olim se de vita et mundo cogitare consentiunt. Quomodo amborum vitae novem annis mutatae sunt, patefaciunt. Iesse in matrimonio est, filiumque nomine Hank habet. Caelina autem consuetudine diurnarii photographici utitur, et rebus oecologicis tuendis operam dat. Parisios lustrantibus et Sequanae ripas visentibus pristini adfectus amorabundi sensim reviviscunt.

Una nocte communi consentiunt profunde effectum esse, ut tamquam novis oculis amorem respiciant, intellegantque, cur vita sua uterque parum contentus sit. Nam Iesse de tensionibus matrimonii queritur, nec Caelina se consuetudinibus detinendis nitere confitetur. Profecto, Iesse se romancium scripsisse in spe Caelinam revidendi concedit, Caelina autem, dum romanciuum legit, memorias dolorosas se habuisse profitetur.

Iesse, cum ad aeroportum autocineto properant, aurigae, ut Caelinam ante domum suam dimittat, persuadet, etsi Caelina, ne volatum suum amittat, hortatur. Iesse Caelinam musica ad se adlicit. Cum tandem melodiam 'Just in Time (you found me)' a Nina Simone cantam apparatu stereophonico agit, ad cuius numerum Caelina coram Iesse saltat. Denique non est infitiandum Caelinam volatum amittere.