Augustus Henricus Faschius
Augustinus Henricus Faschius[1] (natus Augustin Heinrich Fasch; die 17 Februarii 1639 Arnstadii, mortuus die 24 Ianuarii 1690 Ienae) medicus atque botanista Germanicus fuit.
Vita[recensere | fontem recensere]
Augustus Henricus, filius Augustini Fasch, archidiaconi Arnstadiensis, baptizatus est ipso die nativitatis.[2] Scholam et gymnasium urbis natalis frequentavit antequam die 14 Martii 1659 studium medicinae in Universitate Litterarum Ienensi inciperet. Postquam fundamenta in facultate philosophica sibi arripuit, medicis praelectionibus intererat quas fecerunt Varnerius Rolfinck, Godofredus Möbius, Ioannes Theodorus Schenck et Ioannes Arnoldus Friderici. Semestre hibernali anni 1664 gradum licentiati in medicina accepit et medicus Ienensis factus est. Hic die 2 Ianuarii 1667 promotus est inter doctores medicinae cum venia studiosos docendi.
Die 29 Ianuarii 1673 Faschius ordinarius professor in facultate medica factus est et licuit ei appellari medicus Saxonico-Vimarianus. Post mortem Varnerii Rolfinck mense Septembri 1673 ordinarius professor de anatomia, chirurgia et botanica creatus est.
Tamquam maieuticae peritus se praebuit operationibus chirurgicis anatomicisque famam magnam adepturus. Insuper botanicae artem callet et explicabat. Quamquam scripta medica propria relicta non sunt, plus quam quinquaginta opera sub nomine eius aut in fasciculis praelectionum universitariarum aut in laboribus collegarum servabantur.
Faschius neque organizationem universitariam abhorruit: saepius enim decanus facultatis medicae et semestribus hibernis annorum 1676, 1682, 1688 vel rector Almae Matris Ienensis fuit.
Opera selecta[recensere | fontem recensere]
- Thea misoptchos vulgo medicorum opprobrium podagra. Ienae 1663 (digital.slub-dresden.de).
- Ordo et methodus cognoscendi et curandi causum. Ienae 1665 (digital.slub-dresden.de).
- Dissertatio medica de gutta rosacea. Ienae 1669 (archive.thulb.uni-jena.de).
- Dissertatio medica de morbo dominorum & domino morborum. Ienae 1670 (gdz.sub.uni-goettingen.de).
- Dissertationem medico-chirurgicam de vesicatoriis. Ienae 1673 (digital.slub-dresden.de).
- Disputatio medica, exhibens aegrum laborantem colica. Ienae 1674 (diglib.hab.de).
- Disputatio inauguralis medica de cholera humida. Ienae 1675 (gdz.sub.uni-goettingen.de).
- Diss. de myrrha. Ienae 1676 (reader.digitale-sammlungen.de).
- Dissertatio medica de latice. Jena 1677 (gdz.sub.uni-goettingen.de).
- Disputatio medica inauguralis de dysenteria epidemica. Ienae 1678 (gdz.sub.uni-goettingen.de).
- Disputatio medica inauguralis, de epilepsia. Ienae 1679 (gdz.sub.uni-goettingen.de).
- Disputatio inauguralis medica de autocheiria. Ienae 1681 (gdz.sub.uni-goettingen.de).
- Disputatio inauguralis medica, de diarrhoea. Ienae 1682 (digitale.bibliothek.uni-halle.de).
- Parotidas physiologice & pathologice consideratas. Ienae 1683 (gdz.sub.uni-goettingen.de).
- Sterilitas. Jena 1684 (digitale.bibliothek.uni-halle.de).
- Diss. med. inaug. de febre quartana intermittente. Ienae 1685 (reader.digitale-sammlungen.de).
- Dissertationem inauguralem de amore insano. Ienae 1686 (digitale.bibliothek.uni-halle.de).
- Intemperies corporis humani, morborum foecunda mater. Ienae 1687 (gdz.sub.uni-goettingen.de).
- Disputationem inauguralem medicam de cancro occulto. Ienae 1688 (digital.slub-dresden.de).
- Specimen inaug. med. de febre amatoria. Ienae 1689 (reader.digitale-sammlungen.de).
- Gründliche Untersuchung von dem Liebesfieber. Salinis Saxonicis 1725 (reader.digitale-sammlungen.de).
Nexus externi[recensere | fontem recensere]
Notae[recensere | fontem recensere]
- ↑ Johann Caspar Zeumer, Christoph Weissenborn: Vitae professorum theologiae, iurisprudentiae, medicinae et philosophiae qui in illustri Academia Ienensi, ab ipsius fundatione ad nostra usque tempora vixerunt et adhuc vivunt una cum scriptis a quolibet editis quatuor classibus. Ienae 1711, pars de iatriae doctoribus, p. 76–80 (hic in interreti)
- ↑ Bernhard Möller: Thüringer Pfarrerbuch. Fürstentum Schwarzburg-Sondershausen. Tomus II, Degner & Co., Neustadt an der Aisch 1997, p. 145