Arbitrage (pellicula 2012)
| Arbitrage (2012) | |
|---|---|
 | |
| Dispositor | Nicholas Jarecki |
| Primi actores | Ricardus Gere |
| Duratio | 107 minuta |
| Natio | Civitates Foederatae |
| Lingua | Lingua Anglica |
Arbitrage est pellicula dramatica a Nichola Jarecki anno 2012 disposita, qua de calamitatibus uno mendacio conflatis narratur.
Argumentum
[recensere | fontem recensere]Robertus Miller, magnas pecuniarii hedge Neoeboracensis, thesaurum suum pecuniarium cum Brooke filia sua administrat. In eo est, ut inscia Brooke thesaurum lucro magno vendat. At cunctante emptore Iacobo Mayfield, venditio nondum perfecta est. Nam Miller in aereo metallo conlocando magnam pecuniae summam perdiderat. Ut lacunam expleret vendibilitatemque augeret ac rationem accepti et expensi aequaret, a Galfrido Greenberg, socio suo negotiorum, magnam summam mutuatus erat. Qui autem socius pecuniam mutuum datam e vestigio recipere vult. At Miller, ut auditui commercii satisfaciat, sibi opus esse istis pecuniis dicit. Conventum ad pactum signandum in popina constituunt.
Praeterea Miller rem habet cum Iulia Cote, pinacothecae domina muliereque multo iuniore, quam amatorie sustentat nuptias pollicitus. Accidit, ut eadem nocte esset exhibitio pinacothecae Iuliae, cui Miller adesse promiserat. Itaque Iulia continuo telephonat litterasque electronicas mittit ad Miller, qui in popina emptorem Mayfield frustra opperitur. Cum hic non appareat, Miller iniquo animo discedit, sed tum Brooke eum certiorem facit, se in libris rationum quasdam dubiosas invenisse res, quae ad "ratiocinium creativum" referri videantur.
Miller demum sed sero ad inaugurationem Iuliae pervenit, sed illa iam irata "serotinum" discedere iubet. Exit ille, sed redit, et par illud amantium inter se rixatur. Postremo Miller eae persuadet, ut secum rus proficiscatur. In itinere Miller ad moderetricem rotam dormitat. Autocineto perfracto Iulia laesionibus interit. Miller vulneratus primo numerum auxilii 911 vocare cogitat, exinde tamen intellegit par esse suam participationem celare. Autocineto flammam concipiente e loco fugit. Quo facto Iacobum Grant, filium aurigae sui defuncti, vocat, qui ei fidelis est, quod sumptus medicinales patris sui solvisset. Miller domum vectus comburit res quae eum Iuliae conectere possint.
Postero die, Miller cum advocato Sydneio Felder de hac re "imaginaria" disserit. Advocatus "personae imaginariae" suadet, ut se tradat: adcumulari enim mendacia necessaria ad celandam narrationem. Etiam Eleonoram uxorem de hereditate cum advocato consilia contulisse dixit. Etiam a Michaele Bryer, investigatore biocolyta, qui eum de homicidio comprehendere vult, interrogatur. Dum haec geruntur, Brooke fraudem patris sui detegit et patri se opponit, rata se implicatam haberi posse. Miller se fraudem fecisse fatetur, seque ipsum rem curaturum esse adfirmat.
Comprehenditur Iacobus coramque iudicibus interrogatur. Adhuc fateri recusat, Robertum Miller in occultanda calamitate a se adiutum esse. Miller pecuniarum conlocatores sibi fidem habere Iacobo dicit: bono communi esse, ut se non tradat, antequam venditio eventum habuerit. Auditu perfecto, Miller et Mayfield de pretio inter se consentiunt.
Paulo post, Eleonora ei se opponit hoc offerens pactum: si ille divortii pacto subscripto omnia suffragii iura et pecunias fundationis Eleonorae filiaeque concesserit, illa mentietur dicetque se cum Roberto marito suo noctem calamitatis una egisse; sin autem recusaverit, illa veritatem dicet, quo facto ille in carcerem conicietur.
Interea, Mayfield de auditu secundario in societate Roberti Miller peracto agit. In relatione quaedam elucet res dubia, quam Mayfield ignorare optat, cum venditio iam facta sit et ulterius examen imagini societatis suae nocere possit.
In scaena ultima, Miller convivio in eius honorem comparato orationem habet, Eleonora iuxta eum stabat, cum Brooke eum apud populum introduxit. Tensio commotioque eorum patent iis qui sciunt, sed populus sincerus nihil percipere videtur. Miller, dum ad suggestum accedit, subridet. Nigrescit pellicula.
Divisio histrionum
[recensere | fontem recensere]- Partes primariae
- Ricardus Gere hic Robertus Miller
- Partes secundariae (partim)
- Susanna Sarandon hic Eleonora Miller
- Tim Roth hic Michael Bryer
- Brita Marling hic Brooke Miller
- Laetitia Casta hic Iulia Cote
- Nathanael Parker hic Iacobus Grant
- Stuart Margolin hic Sydneius Felder
- Monica Raymund hic Reina
- Chris Eigeman hic Gavinus Briar
- Graydonus Carter hic Iacobus Mayfield
Nexus externi
[recensere | fontem recensere]- Metacritic
- Pond, Steve (2012) Richard Gere: Why My Cheating 'Arbitrage' Financier Is Like Bill Clinton. The Wrap, die 12 Septembris.