Latinitas bona

Aqua Virgo

E Vicipaedia
Salire ad: navigationem, quaerere
Rmn-social-header-1-.svg
Aqua Virgo
Cursus aquae ductús colore rubro pictusAquae ductus urbis Romae
Cursus aquae ductús colore rubro pictus
Aquae ductus urbis Romae
Confectum seu sacratum: 9 Iunii 19 a.C.n.
Patronus: M. Agrippa
Terminus: Castellum regione IX
Cyan pog.svg

Aqua Virgo fuit aquae ductus quo per Romam urbem, et praecipue Campum Martium, aqua dulcis et frigida diffluebat. Aqua Virgo iussu Augusti principis et cura M. Agrippae die 9 Iunii 19 a.C.n. perfecta est[1] et postea ab imperatore Claudio refecta. Hic aquae ductus, iussu papae Nicolai V restitutus, etiam hodie usitatur sub nomine Acqua Vergine Antica.

Monumentum fontanae eius aquaeductus, quod quondam in aula aedium (numero 9?) in foro Hispaniae collocatum erat, hodie non iam exstat. Ei inscriptum erat: QUI VIRGINEAM BIBUNT LAUDENT AGRIPPAM.[2] Quo aquae ductu suis impensis aedificato Marcus Agrippa in primis gloriabatur : nam quibusdam de penuria vini querentibus respondisse dicitur se satis ample providisse ne Romani siti perirent[3].

Notae[recensere | fontem recensere]

  1. Dio Cassius 54.11
  2. Rendina, Claudio / Paradisi, Donatella: Le strade di Roma. Roma 2003. s.v. Spagna, piazza di
  3. Dio Cassius 54.11.

Si vis plura legere[recensere | fontem recensere]

  • Ioannes Chifletius (canonicus Tornacensis), Aqua Virgo, fons Romae celeberrrimus et prisca religione sacer. Opus aedilitatis M. Agrippae in vetere annulari gemma... , Antwerpii, 1662.

Bibliographia[recensere | fontem recensere]

Nexus externi[recensere | fontem recensere]