Jump to content

Anna (principissa Britanniarum)

E Vicipaedia
Anna, Principissa Britanniarum anno 2013

Anna, Principissa Regia (Anglice Anne, Princess Royal; nata Anne Elizabeth Alice Louise Londinii die 15 Augusti 1950) est filia Elizabeth II Britanniarum Reginae ab anno 1952 usque ad 2022 regnantis et soror Caroli III Britanniarum Regis qui anno 2022 ad regnum accedit.[1]

Ab anno 1969 usque ad praesentem diem munera permulta nomine monarchae persolvere solet. Cancellaria est Universitatis Londiniensis.[2] Annis 1970–2017 fuit praeses organizationis internationalis impuberum curae destinatae Save the Children dictae.[3] Ab anno 2023 est praeses organizationis ad tumulos militum qui in bellis periere curandos Commonwealth War Graves Commission dictae.[4] Eques est Ordinis Periscelidis. Anno 1987 facta est Principissa Regia.[5]

Anno 1974 homo quidam conatus est eam abducere. Principissa, cum sibi de autocineto discedere iussum esset, sententiam celebrem respondit «Ecastor minime probabile» (patrio sermone Not bloody likely).[6]

Anno 1973 Marco Phillips nupsit; post quatuor annos filium Petrum genuit, et iterum post quatuor annos filiam Zaram. Anno 1992, primo matrimonio per divortium dissoluto, Timotheo Laurence nupsit.[7]

Praeterea certare solet eques, e quo medallias nonnullas meruit. Anno 1976 in Ludis Olympicis participavit, atque inter annos 1986 et 1994 fuit praeses Foederationis Equestris Internationalis(d)(fr).[8][9]

Notae

[recensere | fontem recensere]
  1. ↑ The London Gazette: No. 38995 (16 VIII 1950).
  2. ↑ University of London: Our Chancellor – HRH The Princess Royal [pagina interretialis Universitatis Londiniensis]
  3. ↑ Save the Children: HRH the Princess Royal became the Patron of save the children in 2017 after serving as our President since 1970 [pagina interretialis organizationis]
  4. ↑ GeoNews: King Charles, Princess Anne team up after aging royal passes over role [in interreti]
  5. ↑ The London Gazette: No. 50947 (12 VI 1987).
  6. ↑ The Age: Kidnap the Princess? Not bloody likely! (2 I 2005)
  7. ↑ The Princess Royal: Biography [pagina interretialis Familiae Regiae Britannicae]
  8. ↑ The Princess Royal: The Princess Royal and Olympics [pagina interretialis Familiae Regiae Britannicae]
  9. ↑ Fédération équestre internationale: About us: history [pagina interretialis Foederationis Equestris Internationalis]
Receptum de "https://la.wikipedia.org/w/index.php?title=Anna_(principissa_Britanniarum)&oldid=3920782"