Alfredus Polgar

E Vicipaedia
Jump to navigation Jump to search
Wikidata-logo.svg Alfredus Polgar
Res apud Vicidata repertae:
Alfredus Polgar: imago
Nativitas: 17 Octobris 1873; Vindobona
Obitus: 24 Aprilis 1955; Turicum
Patria: Austria
Nomen nativum: Alfred Polak

Officium

Munus: scriptor, Linguista, diurnarius, Interpres, scriptor scaenicus

Memoria

Laurae: Preis der Stadt Wien für Publizistik
Sepultura: Friedhof Sihlfeld

Alfredus Polgar (natus Alfred Polgar Vindobonae die 17 Octobris 1873, mortuus Turici die 24 Aprilis 1955) erat scriptor criticusque Austriacus et paginarum oblectariarum in periodicis peritus. Eius textus perbreves exemplum Petri Altenberg imitantur, cuius opera inedita in lucem proferri curabat anno 1925 titulo Nachlaß. Exaravit non solum tractationes in actis diurnis sed fabulas quoque.

Vita[recensere | fontem recensere]

Scholam commercialem frequentavit, et ex anno 1895 criticus theatralis et moderator periodicorum erat, apud "Wiener Allgemeine Zeitung", "Schaubühne" (Berolini, "Weltbühne" et "Tagebuch" (annotationes eius in postremo periodico postea partim apparuerunt in libro Ja und Nein, anno 1926). Anno 1925 Berolinum commigravit. Eo tempore sicut Alfred Kerr, Siegfried Jacobsohn, et Herbert Ihring criticus maximi momenti in rebus theatralibus sese praebuit. Pro theatro lusorio Vindobonensi quod "Fledermaus" vocabatur, Polgar una cum Egon Friedell Goethe saturam philologicam anno 1908 pepigit, quae subinde tricenties in scaenario ludebatur. Paulo post periodicum satiricum titulo "Simplicissimus" ditavit, fabulis suis de artificibus vagantibus desidiosisque in coffeis tabernis Vindobonensibus degentibus, praesertim in cafeo quod "Café Central" nuncupatur: e.g. scriptis Bewegung ist alles (1909) et Hiob (1912).

Terroribus primi belli mundani emendatus reprehensor gravis factus est in rebus socialibus: minime autem descripsit horrorem belli, sed inopiam pone acies apud cives haud belligerantes (Kleine Zeit, 1919; Schwarz auf Weiß, 1929). Tractationes litterariae quoque magis scepticae fiebant (An den Rand geschrieben, 1926). Anno 1931, una cum expressionista Francisco Theodoro Csokor, comoediam Die Defraudanten publicavit. Diaeta Imperii Germanici incensa (anno 1933), Berolino Vindobonam iit, ubi usque ad annum 1938 mansit. Politicis ideis tunc periodica exsulum varia implevit. Per Lutetiam anno 1940 in Civitates Foederatas pervenit. Ibi se sustentabat, sicut etiam Alfredus Döblin, cuius familiaritatem contraxit, libris scaenariis scribendis et tamquam interpres Ruscisilvae.

Honores[recensere | fontem recensere]

Anno 1951, Alfredus Polar primus homo erat Praemio Editorialis Urbis Vindobonensis honoratus.

Fons[recensere | fontem recensere]

"Polgar, Alfred", apud: Microsoft Encarta 2007 Enzyklopädie, Microsoft Corporation, 2006 (DVD).

Nexus externi[recensere | fontem recensere]