Alexius Kručënych

Alexius Elisaei filius Kručënych (Russice Алексей Елисеевич Кручёных, 9 Februarii^[1] 1886 in Olivskoje gubernii Chersonensis^[2] natus et 17 Iunii 1968 Moscuae mortuus) fuit poeta Russicus, futurismi conditor et dux.

Vita et opera

Odessae ut pictor educatus, in Moscua ab anno 1907. Primo versus satyricos edebat (collectio Amor vetustus, Starinnaya lybov',). Ab anno 1912 in collectionibus futuristarum edebatur, quorum famosissimi Piscinilla iudiciorum (Sadok sudej) et Alapa gustui publico (Poščečina obščestvennomu vkusu), Trini (Troje). Permultos libros manuscriptos vel modo lithographico et hectographico factos edidit cum poetis et pictoribus aliis (Velimiro Chlebnikov, Natalia Gončarova, Helga Rozanova). Tum et zaum invenit. Annos belli civilis in Tiphli vivebat et idem permultos libros manuscriptos edebat (cum "grege 41°", Elia Zdanevicz, Inguaro Terent'ev aliisque). Moscuam annis vicesimis ineuntibus revertit et multos libros (iam non manu scriptos, sed numero exemplarium pauciore) edidit usque ad annos tricesimos inenutes. Versus usque ad finem vitae componebat, sed edere non poterat; collectio manuscriptorum eius (non tam suorum, quam et aliorum scriptorum) famosa est.

Pinacotheca

Pagina libri Vzorval' (Explosia) Alexii Kručënych
Pagina libri Nidiculus anatinus ... malorum verborum ,,, (Utinoje gnjozdyško ... durnych slov...) Alexii Kručënucj et Helgae Rozanovae
Pagina libri Alexii Kručënych et Michaelis Larionov cum textu zaumico famoso
Effigies Alexii Kručënych (?) a Helga Rozanova picta