Alexander Turgenev

Res apud Vicidata repertae:

Nativitas: 27 Martii 1784; Moscua
Obitus: 3 Decembris 1845; Moscua
Patria: Imperium Russicum

Familia

Genitores: Ivan Turgenev;
Familia: House of Turgenev

Memoria

Sepultura: Monasterium Dei genetricis Smolenscensis Novodevicense

Vide etiam paginam discretivam: Turgenev

*Historicorum Russiae Monimentorum* titulus

Alexander Ioannis filius Turgenev^[1] (die 27 Martis^[2] anno 1784 Simbirii natus et die 3 Decembris^[3] anno 1845 Moscuae mortuus) fuit historicus Russiae.

Vita[recensere | fontem recensere]

Alexander Turgenev fuit Ioannis Turgenev, rectoris Universitatis Moscuensis, filius, Nicolai Turgenev decembristae frater et Basilii Žukovskij, cum quo educatus erat, amicus. Annis a 1802 ad 1804 in Universitate Göttingana cum Andrea Kaisarov studuit. Annis academicis peractis cum eodem Kaisarov peregrinabatur et monumenta litteraria historica colligebat. Ab anno 1805 officia publica in ministeriis variis fungebatur et non sine successu, nam etiam camerarius factus est, sed post rebellionem Decembristarum anni 1825 Nicolao fratre condemnato impossibile erat, ut Alexander munera publica gereret. Se totum studiis historicis et documentis colligendis Alexander dedicavit. Alexandro Puschkin Petropoli mortuo Alexander Turgenev corpus eius ad locum sepulturae in Monasterium Montium Sanctorum^[4] transportavit. Mori dicitur de morbo, quo infectus est, cum Moscuae pecuniam condemnatis variis misericordiae causa dispensaret.

Opera[recensere | fontem recensere]

Opus magnum Alexandri Turgenev sunt Historica Russiae Monimenta ex antiquis exterarum gentium archivis et bibliothecis deprompta^[5], quae collectio monumentorum de historia Russiae linguae Latinae scriptorum unica est. Duo volumina continet et supplementum:

Vol. 1. Ab anno 1075 ad annum 1584 (Textus apud Google Books) (Textus apud Vicifontem)
Vol. 2. Ab anno 1584 ad annum 1719 (Textus apud Google Books)
Supplementum ad Historica Russiae Monumenta. Petropoli, 1848 (Textus apud Google Books)

Notae[recensere | fontem recensere]

↑ Russice Александр Иванович Тургенев
↑ Calendario Iuliano, scilicet 7 Aprilis calendario Gregoriano.
↑ Calendario Iuliano, scilicet 15 Decembris calendario Gregoriano.
↑ Святогорский монастырь.
↑ Vol. 1-2. Petropoli, 1841—1842.

Nexus externi[recensere | fontem recensere]

Lexica biographica: • Commentatio Theodisce, Francogallice, Italice apud Lexicon historicum Helveticum • Deutsche Biographie

Vicimedia Communia plura habent quae ad Alexandrum Turgenev spectant.

Memorabilia Alexandri Turgenev apud Vicifontem (Russice)

[1] Russice Александр Иванович Тургенев

[2] Calendario Iuliano, scilicet 7 Aprilis calendario Gregoriano.

[3] Calendario Iuliano, scilicet 15 Decembris calendario Gregoriano.

[4] Святогорский монастырь.

[5] Vol. 1-2. Petropoli, 1841—1842.

[1]

[2]

[3]

[4]

[5]