Akseli Gallen-Kallela

E Vicipaedia
Jump to navigation Jump to search
Akseli Gallen-Kallela

Akseli Gallen-Kallela (26 Aprilis 1865 Arctopoli natus; 7 Martii 1931 Holmiae in Suecia mortuus) fuit unus ex potentissimis pictoribus Finnicis, notus inter alia picturis saeculo nono decimo exeunte factis, quarum argumenta ex Kalevala, carmine epico proprio Finniae, sumpsit. Multum valuisse existimatur ad artem pingendi Finnicam. Operibus suis nationalismum, symbolismum, realismum repraesentavit. Ut fautor nationalismi Finnici se praestaret, circiter anno 1907 nomen principale suum Suecicum Axel Gallén convertit in Akseli Gallen-Kallela, ut magis nomen Finnicum sonet.

Annis 1880 arti pingendi Lutetiae studebat, ubi vitam inaequalem et artificiosam picturis descripsit, sed magis magisque studiosus factus est naturae et mythologiae Finnicae depingendarum. Saeculo vicesimo ineunte etiam opera tectoria creare incohavit, quorum pingendorum in Italia peritus factus erat. Inter alia opera tectoria in mausoleo Juselii Arctopoli in sua patria confecit. Annis volventibus magis magisque naturam describebat confecitque aliquot picturarum colorum variorum itinere suo in Africa.

Anno 1931 pneumoniá defunctus est Hafniá in Finniam rediens. Sepultus est in sepulcreto Hietaniemi, Helsingiae, in loco collis artificum nominato, qui collis est artificiis bene meritis dedicatus.

Opera[recensere | fontem recensere]

Picturae Kalevalenses[recensere | fontem recensere]

Opera alia[recensere | fontem recensere]