Roman numeral 10000 CC DD.svg

Iurassicum

E Vicipaedia
(Redirectum de Aevum iurassicum)
Jump to navigation Jump to search

Iurassicum[1][2] est systema stratigraphicum et periodus geologica.

Fossile Iuravenator starki (Coelurosauria) aevi Iurassici Germaniae

Divisio secunda ab infima constituit aerae Mesozoicae, octava autem ab infima aeonis Phanerozoicae. Abhinc 2 013 ± 2 centies milium annorum coepit, antecessore Triassico. Finem habuit abhinc fere 1 450 centies milium annorum, successore Cretaceo, secundum scalam aevorum geologicorum Commissionis Internationalis Stratigraphicae.[3] Iurassicum inceptum ex antiquissimis fossilibus Psiloceratis spelae tirolici datur.[4]

Restitutio (anno fere 1903) holotypi fossilis Cetiosaurisci stewarti e serie Iurassica media apud Museum Historiae Naturalis Londiniense[5]

In tres series dividitur, quae inferius, medium, superius appellantur. In undecim stadia dividitur, quae ab infimo ad supremum Hettangium, Sinemurium, Pliensbachium, Toarcium, Aalenium, Bajocium, Bathonium, Callovium, Oxfordium, Kimmeridgium, Tithonium appellantur.[6]

Nomen "Iurassicum" e monte Iura Franciae et Helvetiae deducitur. Ibi primus Alexander de Humboldt anno 1795 strata geologica quae ab aliis iam recognitis differebant, agnovit.[7] Post quattuor annos nomen Theodiscum Jura-Kalkstein huius strati divulgaverit.[8] Nomen adiectivum Francogallicum jurassique (sicut hodie Latine et in aliis linguis pluribus adhibetur) Alexander Brongniart primus anno 1829 scripsit sub forma terrains jurassiques ("terrae Iurassicae") in opere encyclopaedico de formationibus geologicis.[9][10]

Periodo Iurassica vixerunt dinosauri allosaurus, stegosaurus etc. necnon archaeopteryx.

Notae[recensere | fontem recensere]

  1. "ordinem medium magnae Cretaceae formationis et Iurassicum calcareum" (pp. 9-10 apud Google Books)
  2. Cf. "tempus Jurassicum" hic
  3. "International Chronostratigraphic Chart"
  4. Ita de:wiki
  5. L. F. Noè, "‘Old bones, dry subject’: the dinosaurs and pterosaur collected by Alfred Nicholson Leeds of Peterborough, England" in R. T. J. Moody, ed., Dinosaurs and Other Extinct Saurians: A Historical Perspective (Geological Society, London, Special Publications no. 343, 2010) pp. 49-77 ad p. 70; D. Naish, "Dinosaurs of Great Britain and the role of the Geological Society of London in their discovery: basal Dinosauria and Saurischia" in Journal of the Geological Society vol. 164 (2007) pp. 493–510
  6. "Internationale Chronostratigraphische Tabelle" (2017)
  7. Ich hatte mich auf einer geognostischen Reise, die ich 1795 durch das südliche Franken, die westliche Schweiz und Ober-Italien machte, davon überzeugt, daß der Jura-Kalkstein, welchen Werner zu seinem Muschelkalk rechnete, eine eigne Formation bildete. In meiner Schrift über die unterirdischen Gasarten, welche mein Bruder Wilhelm von Humboldt 1799 während meines Aufenthalts in Südamerika herausgab, wird der Formation, die ich vorläufig mit dem Namen Jura-Kalkstein bezeichnete, zuerst gedacht: Alexander de Humboldt, Kosmos vol. 4 (Stutgardiae: Cotta, 1858) p. 632
  8. ... die ausgebreitete Formation, welche zwischen dem alten Gips und neueren Sandstein liegt, und welchen ich vorläufig mit dem Nahmen Jura-Kalkstein bezeichne: Alexander de Humboldt, Ueber die unterirdischen Gasarten und die Mittel, ihren Nachteil zu vermindern, ein Beitrag zur Physik der praktischen Bergbaukunde (Brunsvici: Vieweg, 1799) (p. 39 apud Google Books)
  9. Alexander Brongniart , Tableau des terrains qui composent l'écorce du globe ou essai sur la structure de la partie connue de la terre (Lutetiae: Levrault, 1829) Textus
  10. De historia nominis definitionisque vide: Mary Grace Wilmarth, The Geologic Time Classification of the United States Geological Survey Compared With Other Classifications, accompanied by the original definitions of era, period and epoch terms (United States Geological Survey Bulletin no. 769. Vasingtoniae: U.S. Government Printing Office, 1925) (p. 62 apud Google Books)

Nexus externi[recensere | fontem recensere]

Systemata = Periodi geologicae
Tyrannosaurus rex
Siderium • Rhyacium • Orosirium • Statherium • Calymmium • Ectasium • Stenium • Tonium • Cryogenium • Ediacarium • Cambrium • Ordovicium • Silurium • Devonium • Carboniferum • Permium • Triassicum • Iurassicum • Cretaceum • Palaeogenicum • Neogenicum • Quaternarium
Capsae cognatae: Aeones • Aerae • Periodi • Epochae • Aetates geologicae = Aeonothemata • Aerathemata • Systemata • Series • Stadia stratigraphica