Aether (chemica)

Vide etiam paginam discretivam: Aether.

Structura moleculae aetheris.

Aether (-eris, m.) est species compositorum chemicorum organicorum, cuius simplex formula chemica est $R_{1}-O-R_{2}$, ubi R est alkyl (hoc est alcanum cui atomus hydrogenii demptus est ita ut radicale fiat). Alterum nomen (IUPAC) est alkoxyalkan, h.e. alkoxy = R-O. Aetheres similes sunt esteribus, quae etiam C-O-C nexum habent. Ita fit tamquam si in molecula aquae H-O-H in locum duorum atomorum hydrogenii greges alkyla posueris.

Exempla

• Aether diethylicum vel ethoxyethan: CH₃CH₂-O-CH₂CH₃ quae prima substantia anaesthesica in chirurgia adhibita fuit, certe iam anno 1846
• Methoxymethan vel dimethylaether
• Aethoxymethan vel ethylmethylaether vel methoxyaethan vel methylaethylaether
• Aethoxyaethan vel diaethylaether (vulgo aether sulfuricus, a Valerio Cordo saeculo sexto decimo inventus)

De proprietatibus

In aequa massa molari aetheres acoholibus magis volatilia sunt - hoc est temperatura multo inferiore ebulliunt - quia illorum moleculae vincula hydrogenica inter se non iungunt. Ob eandem rationem in aqua minus facile solvuntur quam alcoholia. Simul cum ceteris corporibus parum reagunt: non enim polarizati sunt et ideo corpora organica libenter solvunt. Sed inflammabiles esse solent et eorum usus periculosus habetur.

Bibliographia

• Heitmann, Wilhelm, Günther Strehlke, et Dieter Mayer. 2002. "Ethers, Aliphatic." Ullmann's Encyclopedia of Industrial Chemistry Weinheim: Wiley-VCH. doi:10.1002/14356007.a10_023
• L. Reutter de Rosemont. 1917. Traité de chimie médico-pharmaceutique. Lutetiae Parisiorum: Typis Octavius Doin, p. 296.

Nexus externi

• Vicimedia communia plura habent quae ad aetheres spectant
• Découvrez les éthers, leurs structures chimiques, leurs propriétés uniques et leurs nombreuses applications dans divers domaines de la chimie. Francogallice.
• Éthers – Structure et dénomination