Achilleon

Tumulus quod vulgo "sepulchrum Achillis" appellabant e libro Henrici Schliemann (1875).

Achilleon (Graece Ἀχίλλειον) fuit oppidum antiquum in ora Troadis regionis, hodie in provincia Çanakkale prope vicum Yeniköy situm. A Sigeo et Scamandri ostio circiter 8 kilometra aberat; ibi sepulchrum Achillis et Patrocli viatoribus ostendebatur.

Saeculo sexto a.C.n. a Mytilenaeis (urbs Lesbi insulae) propugnaculum conditum est contra Sigeum oppidum, quod Athenienses ibi exstruxerant. Temporibus Hellenisticis vicus ad Ilium civitatem pertinebat. Nomen traxit a dicto busto Achillis, quod iam Alexander Magnus, dein Iulius Caesar, Germanicus et Caracalla visitaverunt.

Plura legere si cupis

• G. Radet, "Note sur l'histoire d'Alexandre IIː les théores thessaliens au tombeau d'Achille", Revue des Études Anciennes, 1925ː 81-93

Nexus externi

Situs geographici et historici: Locus: 39°54′48″N 26°9′20″E • Pleiades