Achaia (provincia Romana)
Vide etiam paginam discretivam: Achaia (discretiva)
Achaia (provincia Romana)Civitas: Roma antiqua
Locus: 37°53′24″N 22°27′0″E
Forma
Tabula aut despectus
.svg)
Achaia erat provincia Imperii Romani in regionibus australibus Graeciae ab Augusto anno 27 a.C.n. creata. Iam ab anno 146 a.C.n. Graeci Romanis oboediebant, a Lucio Mummio Achaico deleta tum Corintho victiː nihilominus Romani eos liberos dicebant quamquam re vera sub dicione proconsulis Macedoniae positi erant.
Historia[recensere | fontem recensere]
Post annum 146 a.C.n. res Graecae satis prosperae ob pacem Romanam fuisse videntur ; contra cum rex Ponti anno 88 a.C.n. Graeciam occupavit, multae civitates ad eum transierunt. Saevum bellum inter Syllam et Mithridatem subsecutum ruinas ingentes ubique effecit. Insula Delos exempli gratia ditissima antea nuda a Romanis reciperata numquam postea revaluit.
Administratio[recensere | fontem recensere]
Tempus principatus[recensere | fontem recensere]
Cum postea Achaia pace diuturna fruebatur neque milites ibi collocabantur, Octavianus Augustus hanc provinciam 13 Ianuarii 27 a.C.n. senatui et populo Romano concessit. Proconsules igitur e senatorio ordine Achaiam administrare solebant. Sed anno 15 Tiberius imperator provinciam legato Moesiae dedit. Quod decretum anno 44 Claudius imperator rescindit et provinciam senatoribus reddidit. Proconsules Achaiae inter alios fuerunt:
- Gaius Sulpicius Galba ante annum 22
- Lucius Iunius Gallio Annaeanus anno 51/52
- Lucius Herennius Saturninus anno 98
- Sextus Quintilius Condianus ante annum 151
- Sextus Quintilius Valerius Maximus ante annum 151
- Aurelius Valerius Tullianus Symmachus anno 319
Nonnullis civitatibus Graecis, Spartae Athenisque in primis, Augustus speciosam libertatem honoris causa relinquebat nec iure pars provinciae erant sed "liberae civitates" dicebantur.
Bibliographia[recensere | fontem recensere]
- Tenney Frank, Roman Imperialism. Novi Eboraci: Macmillan, 1914 Textus apud archive.org
- Tenney Frank, ed., An Economic Survey of Ancient Rome. 6 voll. Baltimorae: Johns Hopkins University Press, 1933-1940
- A. H. M. Jones, The Later Roman Empire 284-602; a social, economic and administrative survey. 3 voll. Oxoniae: Blackwell, 1964
 | |
|
Achaia • Aegyptus • Africa • Alpes Cottiae • Alpes Graiae • Alpes Maritimae • Alpes Poeninae • Aquitania • Arabia Petraea • Armenia • Asia • Assyria • Baetica • Bithynia et Pontus • Britannia; inferior, superior • Cilicia • Corsica et Sardinia • Creta et Cyrene • Cyprus • Dacia; inferior, superior, Porolissensis; Tres Daciae • Dacia Aureliana • Dalmatia • Epirus • Galatia • Gallia Belgica • Gallia Cisalpina • Gallia Comata • Gallia Lugdunensis • Gallia Narbonensis • Germania Inferior • Germania Superior • Hispania Tarraconensis • Hispania Ulterior • Illyricum • Iudaea • Lusitania • Lycia et Pamphylia • Macedonia • Mauritania Caesariensis • Mauritania Tingitana • Mesopotamia • Moesia; Inferior, Superior • Noricum • Numidia • Pannonia; Inferior, Superior • Raetia • Sicilia • Syria; Coele, Phoenice • Thracia | |