'Alī Ākbar Ṣālaḥī
ʿAlī Ākbar Ṣālaḥī, litteris Arabicis علي أكبر صالحي (apud Karbala Iraci die 24 Martii 1949 natus) est physicus et politicus Iraniae.
Alumnus est universitatis Americanae Berytensis et instituti technologiae Massachusettensis. Professor apud universitatem technologicam Sharif Teheranensem fuit atque bis cancellarius illius universitatis, ab anno 1982 usque in 1985 et ab 1989 usque in 1993. A die 13 Martii 1997 usque ad 22 Augusti 2005 legatus est pro Irania apud Procurationem energiae atomicae internationalem Vindobonae in urbe. Ab anno 2007 Riadi iuxta ordinem cooperationis Islamicae operam dedit, titulo praesidis vicarii, sed ab anno 2009 dux fuit ordinis energiae atomicae Iraniensis. Minister a rebus externis Iraniae, praeside Mahmudo Aḥmadīnežād, a die 13 Decembris 2010 ad 15 Augusti 2013 meruit. Die insequenti praeses vicarius factus est, praeside Ḥasan Rūḥānī, duxque eodem tempore ordinis energiae atomicae Iranensis sicut iam annis 2009 et 2010 fuerat.
Bibliographia[recensere | fontem recensere]
- "365 days: Nature’s 10. Ten people who mattered this year" in Nature vol. 528 (17 Decembris 2015)
- Tabassum Zakaria, "U.S. nuclear expert: Iran official linked to past program" (15 Maii 2012) apud Reuters
Nexus externi[recensere | fontem recensere]
- Mehrzad Boroujerdi, "Iran's New Foreign Minister: Ali Akbar Salehi" (31 Ianuarii 2011) apud PBS Frontline
- Kambiz Tavana, Arash Karami, "The Man to Watch in Iran?" (1 Decembris 2011) apud PBS Frontline